اگر حیات یولداشیمدان ۲۰ یاش بؤیوک اولسایدیم، هئچ کیم ایندیکی کیمی سوال آتشینه توتمایاجاقدی.

آخار. آذ خبر وئریر کی، بو سؤزلری فرانسا پرزیدنتی امانوئل ماکرون سؤیله‌ییب.

۱۵ یاشی اولاندا اؤزون‌دن ۲۴ یاش بؤیوک معلمه‌سینه آشیق اولان و ایللر سونرا اونونلا ائوله‌نن ماکرون آرالارینداکی یاش فرقی حاقدا ائدیلن مذاکیرلردن بئزدیینی بیلدیریب:

«بعضیلری بونون قبول ائدیلمز اولدوغونو بیلدیریرلر. مناسیبتیمیز چوخ یاخشیدیر. یولداشیم بو حاقدا دئییله‌نلره اهمیت وئرمیر. حاضردا آناملا اونون آراسیندا گلین-قایینانا مناسیبتیندن داها چوخ دوستلوق مناسیبتلری وار».

قید ائدک کی، بریجیت ماکرون امانوئل ماکرونون سئچکی کامپانییاسی مدتینده اهمییت‌لی سیمالاردان حساب اولونوردو. حتی بعضیلری ماکرونون حیاتینی اوندان داها یاخشی بیلن ایکینجی شخصین اولمادیغینی بیلدیریردیلر. ادعالارا گؤره، فرانساداکی پرزیدئنت سئچکیلریندن اؤنجه «وانیدی فی» سایتینا مصاحیبه‌سی زامانی «سئچیلسم…عذر ایستییرم، سئچیلسک...» - دئیرکن، ماکرون خانیمینی و اؤزونو نظرده توتوب. بو دا مادام ترونینین اونون حیاتینداکی اهمیت‌لی رولونو بیر داها گؤسترمیش اولوب.