سئچکیلرده اؤلکه‌نین میللی تهلوکسیزلیگی قورونمالی‌دیر. بونا رعایت ائتمه‌یه‌ن هر کس محکه‌م سیلله جاوابی آلاجاق.

آخار. آذ خبر وئریر کی، بو سؤزلری ایرانین عالی دینی لیدری علی خامنه ای مایین ۱۰-دا سپاه-آ باغلی امام حسین اونیورسیتتینین طلبه‌لری ایله گؤروشرکن دئییب. او، قارشی‌دان گلن سئچکیلردن و پرزیدنت‌لییه نامیزدلرین آپاردیقلاری تبلیغات کامپانییالاریندا بیر-بیرلرینه قارشی سسلندیردیکلری تخریبات کاراکترلی بیاناتلاردان دانیشیب.

پرزیدنت‌لییه نامیزدلره و اونلارین طرفدارلارینا خبردارلیق ائد‌ن خامنه ای دئییب کی، دوشمن گلن هفته‌نین جمعه گونونده کئچیریله‌جک پرزیدنت سئچکیلری زامانی اؤلکه‌ده فیتنه و عصیان قالدیرماق نیتینده‌دیر:

«سئچکیلر هم اؤلکه‌نین یوکسلیشینه و اونون ایمیجینین قورونوب ساخلانیلماسینا، هم ده اونون ضعیفله‌نمه‌سینه و مؤوجود پروبملرینین آرتماسینا گتیریب چیخارا بیلر. اگر پرزیدنت‌لییه نامیزدلر و اونلارین طرفدارلاری اؤز سؤزلری و چیخیشلاری ایله دوشمنی سئویندیریب اومیدوار ائتسه‌لر، سئچکیلر بیزیم زیانیمیزا اولاجاق. قارشیدان گلن سئچکیلرده اؤلکه‌نین میللی تهلوکسیزلیگی قورونمالیدیر. بونا رعایت ائتمه‌ین، اؤلکه‌نین میللی تهلوکسیزلیینه قارشی عصیانا قالخان هر کس محکم سیلله جاوابی آلاجاق.

دوشمه‌نین قیسا مدتلی هدفلریندن بیری میللی تهلوکسیزلییمیزی پوزماق، اؤلکه‌ده خاوس یاراتماق، فیتنه و عصیان قالدیرماقدیر. لاکین اگر بیزیم حاضیرلیغیمیز اولسا، دوشمنین بو نیت و فیتنه‌سینی سؤزسوز کی، ضررسیزلش‌دیره بیلجییک».

خامنه ای اؤز چیخیشیندا پرزیدنت‌لییه نامیزدلرین هئچ بیرینین آدینی چکمه‌سه ده، اونون تهدید دولو خبردارلیغینین ایران پرزیئنتی حسن روحانییه عنوانلاندیغی آچیق-آشکار حس اولونور. چونکی سون گونلر ایرانین مختلیف شهر و ایالتلرینه سفر ائد‌ن روحانی اؤز طرفدارلاری قارشیسین‌دا چیخیش ائد‌رک اساس رقیبی ساییلان ایبراهیم ریسییه (خامنه ای نامیزدی) قارشی دولاییسیلا سرت اتهاملار سسلندیریب. مایین ۸-ده ایسه همدان‌دا طرفدارلاری قارشی‌سیندا چیخیش ائد‌ن روحانی اؤلکه اهالیسی آراسیندا سیاسی محبوسلارین جللادی و «آیت الله اعدام» لقبلری ایله تانینان ایبراهیم ریسینی اؤلکه‌ده دینج مخالیفلره قارشی حیاتا کئچیریلمیش قانلی رپرئسییالاردا گناهلاندیریب. «ایران میلتی سون ۳۸ ایلده اعدام و زیندان‌دان باشقا الین‌دن بیر ایش گلمه‌یه‌نلری قبول ائتمیر، ایستمیر»، - دئیه او بیلدیریب.

خاطیرلاداق کی، ایبراهیم ری‌سی ۱۹۸۸-جی ایلده اؤلکه زیندانلارین‌داکی مینلرله گناه‌سیز سیاسی محبوسون گیزلی شکیلده کوتلوی قتل عامینی سرعتلندیرمک اوچون او واختکی دینی لیدر آیت الله روح الله خمینینین امری ایله یارادیلمیش «اؤلوم هئیتی»نین باش‌چیسی وظیفه‌سین‌ده چالیشیب. همین واخت اؤلکه پروکورورونون معاوینی وظیفه‌سینی توتان ایبراهیم ریسینین جمعی ۲۸ یاشی اولوب.

ایران‌دا نؤوبتی پرزیدنت سئچکیلری بو ایل مایین ۱۹-دا (۱۳۹۶-جی ایل، اوردیبهشتین ۲۹-دا) کئچیریله‌جک.