سپاه دونانماسینین کوماندانی علیرضا تنگسیری بیلدیریب کی، آمریکا-یلا باغلی نفت تاسیساتلاری آمریکا بازالاری حساب اولوناجاق و همین تاسیساتلارا ضربه ووراجاقلار. او، سؤزوگئدن اوبیکتلرده چالیشانلاری و دیگر ملکی شخصلری همین اراضیلردن اوزاقلاشماغا چاغیریب. بونونلا سپاه کوماندانی اؤلکه‌سینین رسمیلرینین «بیز آنجاق حربی مرکزلره ضربه ووروروق» و یا «بیز نفت و گاز مرکزلرینه ضربه وورمامیشیق» کیمی تئزیسلرینین اوستوندن خط چکدی.

Axar.az خبر وئریر کی، بو سؤزلری پولیتولوق ائلخان شاهین‌اوغلو دئییب.

او قید ائدیب کی، سپاه «کؤرفز اؤلکه‌لرینین نفت و گاز تاسیساتلارینا ضربه‌نی بیز وورموشوق و وورماق‌دا داوام ائدجه‌ییک» یاناشماسییلا مسئله‌یه نقطه قویدو:

«بو، بیر نوع تورکیه‌نین خارجی ایشلر ناظیری هاکان فیدانین ایرانین محافظه‌کار حاکمیتی باره‌ده سؤیلدیی کیمی، «من باتیرامسا، بؤلگه‌نی ده اؤزومله باتیرارام» یاناشماسینین تصدیقی‌دیر. ایران حاضردا نفتینی ساتا بیلمیر، بو سببدن مالیه گلیرلریندن محروم اولان، او جمله‌دن آمریکا و اسرائیلین بمباردمانلاری نتیجه‌سینده آغیر ایتکی وئرن سپاه نفت و گازین استثمارین‌دان گلیر الده ائد‌ن اؤلکه‌لری هدف سئچیب. یعنی «من نفت و گاز ساتا بیلمیرمسه، قونشولاریم دا ساتا بیلمه‌سین».