۱۹۸۶-جی ایل دونیا چمپیوناتیندا اینگیلتره ییغماسی ایله ۱/۴ فینال ماتچیندا آرگئنتینا میللی کومانداسینین فوتبولچوسو دیئقو مارادونانین الله ووردوغو قولو گؤرمه‌ین بولغاریستانلی کئچمیش یان خط حاکمی بوقدان دوچئو وفات ائدیب.

رئپورت-اون معلوماتینا گؤره، دوچئو ۸۰ یاشین‌دا ایک‌ن دونیاسینی دییشیب.

قالماقاللی قول ۵۱-جی دقیقه‌ده قیده آلینیب. مارادونا یومروغو ایله توپو رقیب قاپیسینا گؤندریب. بونونلا دا آرگنتینا ۲:۱ حساب‌لی غلبه سایه‌سینده یاریمفینالا یوکسلیب. اویون سونراسی مطبوعات کنفرانسیندا افسانوی فوتبولچو توپون یاریسینین باشلا، یاریسینین آللهین الی ایله وورولدوغونو بیلدیریب.

دوچو ایسه آللهین علی بارده دانیشماغی سومدیینی و بوتون شایعه، سؤز-صحبتلره رغما، هر زامان تمیز اولدوغونو سؤیله‌ییب: "بو اپیزود حیاتیمی دارماداغین ائتدی. منی دایم اتهام ائدیرلر. اما هئچ بیر گناهیم یوخ ایدی".

قید ائدک کی، بوقدان دوچو ۱۹۷۰ - ۱۹۸۶-جی ایللرده حاکم اولوب. دیگو مارادونانین قول اپیزودو ایله علاقدار اینسیدنت اوزوندن او، کاریراسینی باشا وورمالی اولوب.