تورکییه ییغما کومانداسینین «بارسلونا»لی اولدوزو آردا توران تانینمیش ژورنالیست بیلال مشه‌یه هجوم ائدیب.

آخار. آذ خبر وئریر کی، ماکدونییا ایله حاضرلیق اویونوندان سونرا طیاره‌ده ژورنالیسته هجوم ائد‌ن آردا اونو تحقیر ائدیب.

آردا بیلال مئشه‌نین آورو-۲۰۱۶ زامانی قلمه آلدیغی «تورک فوتبولچولار پول مکافاتی ایسته‌ییبلر» یازیسینا سرت رئاکسییا گؤستره‌رک، اونا «شرف‌سیز» دئییب:

«بیز کیمدن پول دیلنمیشیک؟! آخی، کیم سنین کیمی شرفسیزین بو طیاره‌یه مینمه‌سینه راضیلیق وئریب؟ فاحیشه بالاسی... او یازینی سنه کیم یازدیریب؟! فوتبال کاریرامی بیتیرره‌م، اما شرفیمه، عائله‌مه توخوناجاق هانسیسا سؤزون دئییلمه‌سینه ایمکان وئرمرم».

آردا بو سؤزلری دئیرکن اؤزوندن یاشجا بؤیوک اولان بیلال مئشه‌نین بوغازینی سیخیب، اونو وورماق ایستینده ژورنالیستلر و دیگر فوتبال‌چولار اونون قارشی‌سینی آلیب.

همیشه مدنی داورانیشی ایله دقت چکن آردانین بو حرکتلری هر کسه شوک یاشادیب.