پرزیدنت ایلهام علیئوین ۵ مارتدا – ایران‌دان ناخچیوان بین‌الخالق هوا لیمانی و اورتا مکتبه درون هجومون‌دان سونرا وئردیی کسکین بیانات و آردینجا دولتیمیزین آتدیغی قطعیتلی آددیملار بعضیلرینی تعجبلندیرمیشدی. اونلار مقایسه ائدیردیلر: تورکیه استقامتینده بیر گون اؤنجه، ۴ مارتدا ایران طرفین‌دن راکت آتیلمیش، ناتو طرفیندن ضررسیزلش‌دیریله‌ن راکت هاتای ولایتینه دوشموشدو.

بونو مثال گؤسترنلر ایلهام علیئوین اردوغاندان فرقلی رئاکسیا گؤسترمه‌سینی آنلاماق‌دا چتینلیک چکیردیلر، بیر چوخ حال‌دا ایسه بوندان اؤلکه‌میزه قارشی سوءاستفاده‌یه جهدلر حس اولونوردو.

اما فرق حددن آرتیق چوخ‌دور:

۱. تورکیه استقامتینده آتیلان راکتین هدفینین اصلینده آرالیق دنیزینده‌کی حربی اوبیکت اولدوغو باره‌ده تورکیه‌نین اؤزونده بئله جدی ادعالار وار. راکتین تورکیه‌یه آتیلدیغینی تورک اکسپرتلرین اؤزلری بئله قطعیتله دئمکدن آچیق شکل‌ده چکینیرلر – آنالوژی ادعا اؤتن گون تورکیه استقامتینده آتیلان نوبتی راکته ده عایددیر.

۴ عدد پوا-نین بیرباشا ناخچیوانا هجوم ائتمه‌سی ایسه گؤز اؤنونده‌دیر؛

۲. تورکیه استقامتینده آتیلان راکت(لر)این هدفی بللی دئییل، چونکی هوادا وورولوب.

آذربایجان اراضی‌سینه داخل اولان پوا-لارین ایسه هدفی تام آیدیندیر – ملکی اینفراستروکتور، آیروپورت و اوشاقلارین تحصیل آلدیغی اورتا مکتب.

۳. تورکیه ناتو اؤلکه‌سیدیر، اؤز اراضی‌سیندن ایرانا قارشی هئچ بیر هجوما ایذن وئرمه‌سه ده، رگیون‌دا گرگینلیک فونون‌دا اؤلکه‌نین هوا مکانی اوچون ناتو آیاقدادیر، تصادفی دئییل کی، هم ۴ مارت‌دا، هم ده ۹ مارت‌دا بوراخیلان راکتلری ناتو قوه‌لری ووروب.

آذربایجان هئچ بیر حربی بلوکون عضوو دئییل، اراضی‌سینده هئچ بیر اؤلکه‌نین بازاسی یوخ‌دور. آذربایجانا ائدیله‌ن هجوم ائله آذربایجانا ائدیله‌ن هجوم‌دور – ایرانا هجوم ائد‌ن «متفیقین» بازاسینا یوخ...

تورکیه آتیلان راکتلرین آمریکا بازالارینی هدف آلدیغی و ناتو-نون دا اونلاری ضررسیزلشدیردیی اوچون سرت رئاکسییادان چکینه بیلر، آنجاق سفیرینی چاغیریب، اعتراضینی دا چاتدیریر.

آذربایجان ایسه اؤزونه ائدیله‌ن و بیرباشا اورتا مکتب شاگردلرینی، ناخچیوانلا یگانه علاقه‌نی هدف آلان هجوما ساکت رئاکسییا وئره بیلمز.

۴. اردوغان دا داخل اولماقلا، هئچ بیر اؤلکه‌نین نه‌اینکی بیرینجی شخصی، هئچ ناظیری بئله ایران سفیرلیینه گئدیب، علی خامنه‌اینین هلاک اولماسینا گؤره باشساغلیغی وئرمه‌ییب – یالنیز ایلهام علیئودن باشقا.

۴ مارت‌دا ایلهام علیئو ایرانین آذربایجان‌داکی سفیرلیینه شخصاً گئدیب، باشساغلیغی وئردی.

آمریکا لیدری دونالد ترامپ ایلهام علیئوه شخصی مناسبتینی ال گؤروشمه‌سیندن توتموش آغ ائوده استولونو شخصاً چکمه‌سینه قدر، بیر چوخ مقاملارلا بوروزه وئریب و دنیایا نماییش ائتدیریب. آوروپا لیدرلرینی آغ ائوده ماساسینین اؤنونده سیرایا دوزن ترامپ ایلهام علیئوله عینی ماسانی بؤلوشموشدو.
دنیادا نظامین پوزولدوغو ایندیکی شرایط‌ده شخصی مناسبتلرین نئجه مهم فاکتورا چئوریلدیینی گؤزل بیله‌ن ایلهام علیئو ترامپین شخصی گؤستریشی ایله آرادان گؤتوروله‌ن قونشو لیدره گؤره او اؤلکه‌نین سفیرلیینه گئدن یگانه شخص اولاراق تکجه اینانیلماز جسارت سرگیله‌مه‌دی، بو، هم ده کیملییندن آسیلی اولمایاراق، مسلمان دولت باشچی‌سینین اؤلومونه رئاکسییا باخیمیندان اصل لیاقت نمونه‌سی ایدی.

هئچ کیم بو لیاقتی، دولت ارکانینی گؤسترمک ایسته‌مه‌دی – علیئودن باشقا!

بونون اوزینده ناخچیوانا، هم ده اورتا مکتبه، هم ده ملکی هوا لیمانینا هجوم البته کی، غیرعادی سرت رئاکسییا دوغورمالی ایدی.

همین گون قرار وئریلدی و ایرانلا یوک داشیمالاری، ترانزیت کئچید ده داخل اولماقلا، بوتون عملیاتلار دایاندیریلدی؛ سیاسی-دیپلماتیک خواهشلرین اجراسی، هومانیتار تشببوسلر ده دایاندیریلدی.

آذربایجان اؤز طلبلرینی سسلندیردی: عذرخواهلیق، آراشدیرما، سببکارلارین جزالاندیریلماسی...

ایران پرزیدنتی مسعود پزشکیان ایلهام علیئوه ۸ مارتدا زنگ ائتدی. زنگین گئجیکمه سببلری حاق‌دا اوزون-اوزادی احتماللار ایر‌لی سورمک ممکون‌دور. او احتماللارا توخونمادان خصوصی وورغولایاق کی، پزشکیانلا علیئوین تلفن دانیشیغی حاق‌دا آذربایجان پرزیدنتینین مطبوعات خدمتینین یایدیغی پرس-رلیزده ایرانین آذربایجانلی پرزیدنتینین عذر ایسته‌مه‌سی ایله باغلی بیرجه جمله ده یوخ‌دور. عکسینه، یاییلان آچیقلامادا پزشکیانین اولکی موقعیی قورونوب-ساخلانیلیر، بو هجومون ایرانلا علاقه‌سی اولمادیغینی بیلدیریر، آراشدیریلاجاغینی دئییر – باخمایاراق کی، بوندان بیر گون اؤنجه پزشکیانین «قونشولاردان عذر»اونون اساس عنوانینین آذربایجان رسپوبلیکاسی اولدوغونو دا بو زنگ اورتایا قویور (پزشکیان او آچیقلاماسیندان سونرا یالنیز علیئو و اردوغانلا دانیشیب).

سون درجه جدی نوانسدیر: پزشکیان عذر ایسته‌میر (و یاخود رسمی آچیقلامادا بونا توخونولماسینا احتیاج گؤرولمور)، آنجاق خامنه‌اییه گؤره باشساغلیغی وئرمه‌سی، همچنین هومانیتار یاردیم نیتینی وورغولاییب، منتدارلیق ائدیر.

پرزیدنت ایلهام علیئو ایسه آنیندا گؤستریشلرینی وئریر: ۹ مارت‌دا ایرانلا یوک داشیمالارینا قویولان قاداغا تام شکل‌ده قالدیریلیر، ۱۰ مارتدا ایسه ایرانا هومانیتار یاردیم کاروانی یولا دوشور.

ایلهام علیئو مجتبی خامنه‌اینی عالی رهبر سئچیلمه‌سی مناسبتی ایله تبریک ائدیر.

جمعی بیرجه زنگ کفایت ائدیر کی، رسمی باکینین موقعیی تام دییشسین!

چونکی زنگ ائد‌ن آذربایجانلی‌دیر!

چونکی زنگ ائد‌ن جانی‌بیر-قانی‌بیر قارداشیمیزدیر!

چونکی آمریکا و اسرائیلین ضربه‌لریندن اذیت چکه‌نلرین تام یاریسی جانی‌بیر-قانی‌بیر باجی-قارداشلاریمیزدیر!

چونکی آذربایجان رسپوبلیکاسی و علیئو پزشکیانین استناد یئرلری ایچینده بیرینجی یئرده‌دیر!

چونکی بیز آرتیق ۶۰ میلیونوق (۵۰ میلیون ۲۰ ایل اول ایدیک) و ۶۰ میلیونون گؤزو قوزئیده‌دیر!