تهرانین «شهرری» مترو ایستانسییاسیندا بیچاق‌لی شخص سرنیشینلره هجوم ائدیب.

آخار. آذ ایران مطبوعاتینا ایستینادا خبر وئریر کی، حادثه نتیجه‌سین‌ده ۳ نفر یارالانیب.

رسمی معلوماتلارا گؤره، هجوم ائد‌ن شخص پولیسین آتشی نتیجه‌سینده اؤلدورولوب.

ایسنا آگنتلیینین وئردیی معلوماتا گؤره، حادثه زامانی ۴ وطنداش و بیر پلیس یارالانیب.

مترویا سویوق سلاحلا داخیل اولان جینایتکارین شخصی وناقیشه زمینین‌ده وطنداشلارا هجوم ائتدیی دئییلیر.

پلیسین گؤستریشلرینه تابع اولمایان شخص حقوق محافظه اورگانی امکداشلارینین آتش آچماسی نتیجه‌سینده یارالانیب. او، خستخانایا چاتدیریلان زامان کئچینیب.

حادثه ایله باغلی آراشدیرما آپاریلیر.

بعضی معلوماتلارا گؤره، حادثه‌یه همین شخصین بیر دین خادیمی ایله مناقشه یاشاماسی و بو دورومدان ناراضی‌لیغی سبب اولوب.

****

بعضی منبع‌لر تهران متروسوندا یارالانانلارین سایینین ۱۵ نفره یاخین اولدوغونو یازیب. بو رسما تصدیقلنمییب.

حادثه زامانی یارالانانلاردان بیری دین خادیمی‌دیر. ادعالارا گؤره، حادثه‌نی تؤردن تک اولماییب.

ایران محکمه سیستمینین رسمی اورگانی اولان «میزان» خبر آگنت‌لیگی حادثه ایله باغلی بیر نئچه نفرین ساخلاندیغی بارده معلومات درج ائدیب.

مترو ایستان‌سییا بیر نئچه دقیقه بوندان اول ایش رژیمینی برپا ائدیب.