تورکییه‌نین سامسوم شهرینده آتاکوم بلدییه‌سینین تشکیلات‌چیلیغی ایله اؤتن ایل باش وئرمیش اوغورسوز دؤولت چئوریلیشی جهدینین ایلدؤنومو ایله علاقدار تدبیر تشکیل ائدیلیب.

آخار. آذ خبر وئریر کی، پروقرام زامانی بلدییه صدری ایسهاق داشچی چیخیش ائد‌رک شهیدلرین عائله‌سینه باش ساغلیغی وئریب.

"بو اؤلکه نه قدر کی، عثمانلینین یادیگاریدیر، بیر قاریش تورپاغیمیزی بئله دوشمه‌نه وئرمریک. خالقیمیز چاناققالا و قورتولوش شاواشیندا اولدوغو کیمی ۱۵ ایولدا دا تاریخ یازدی. بو میلت هر زامان شرفسیزه، خاینه گوج گلمیی باواجیب. اونا گؤره ده، هئچ بیر قورخوموز یوخدور. الله بیزه بیر داها ۱۵ ایول تاریخینی یاشاتماسین"، - دئیه او چیخیش ائدیب.

بوندان سونرا چئوریلیشه جهدده اتهام ائدیلن فئتؤ لیدری فتوللاه گوله‌نین ماکتی «۱۵ ایول دموکراتییا میدانی»ندا اعدام ائدیله‌رک یاندیریلیب.

گوله‌نین ماکتینی گؤروب عصبلرینی جیلوولایا بیلمه‌یه‌ن ساکینلر همچینین آیاق قابی و چانتالارلا ماکته هوجوم ائددیبلر.

قید ائدک کی، تورکییه‌ده ۱۵ ایول دولت چئوریلیشینه جهدین ایلدؤنومو ایله علاقدار تدبیرلر داوام ائدیر.

دونندن اعتباراً یوز مینلرله اینسان ایزدیهاملی یوروش-میتینگلره قاتیلیب. میتینگ ایشتیراکچیلاری فئتؤ لیدری فتوللاه گوله‌نین ماکتینی "اعدام" ائد‌رک ترور تشکیلاتینا اعتراضلارینی بیلدیریبلر.