بو گون پاکیستانین لاهور شهرین‌ده (پنجاب ویلایتی) پارتلاییش نتیجه‌سینده آزی ۲۶ نفر اؤلوب، ۵۷ نفر خسارت آلیب.

آخار. آذ خبر وئریر کی، گئوتو تلکانالینین یایدیغی معلوماتا گؤره، پارتلاییش میوه-تروز بازارینین گیریشینده نؤوبه چکن پلیس ناریادینین یاخینلیغیندا تؤردیلیب. یارالانانلاردان بعضیلرینین وضعیتی آغیردیر.

پلیس نماینده‌لری تله کانالا بیلدیریبلر کی، ترورچو کامیکادزئ طرفین‌دن حیاتا کئچیریلن پارتلاییشین هدفی حقوق محافظه اورقانلارینین امکداشلاری اولوب. ایلکین معلوماتا گؤره، هجوم زامانی آزی ۸ پلیس ایشچیسی حیاتینی ایتیریب.

یئرلی اکسپرس تریبون قزئتینین سایتیندا خبر وئریلیر کی، حادثه باش وئرن یئر شهرین ان چوخ محافظه اولونان رایونلاریندان بیریدیر – جمعی ۱۰۰ مترلیک مسافه‌ده پنجابین باش ناظری شاهباز شریفین ایقامتگاهی یئرلشیر.

حادثه یئری پلیسلر و پاکیستان اوردوسونون حربچیلری طرفیندن محاصره‌یه آلینیب، تحقیقات آپاریلیر.