تست اولوندوغو لابوراتورییادان قاچدیغینا گؤره مطبوعاتدا «آزاد روبوت» آدلاندیریلان روسییا ایستحصالی «پروموبوت» تخنولوگییا سرگیسینده پرزیدنت ولادیمیر پوتینله سالاملاشیب، حتی پرزیدنتین الینی سیخماغی دا اونوتماییب.

آخار. آذ خبر وئریر کی، حادثه روسییا پرزیدنتی پئرمده تشکیل اولونان تخنولوگییا سرگیسینی زیارت ائدرکن باش وئریب.

پوتینه یاخینلاشان اینسان اؤلچولرینده‌کی روبوت حاقیندا معلومات وئرمه‌یه حاضیرلاشان تمثیلچی لره فورصت وئرمه‌دن سؤزه باشلاییب: «سلام ولادیمیر ولادیمیروویچ پوتین، من پروموبوت». روسییا پرزیدنتی ده اؤز نؤوبه‌سینده پروموبوتا الینی اوزاداراق اونونلا سالاملاشیب.

قئید ائدک کی، پروموبوت تخمیناً ۲۰ نفرلیک بیر ایشچی قروپ طرفیندن ۳ ایللیک فعالیتین نتیجه‌سی کیمی اورتایا چیخیب. اؤتن ایل لابوراتورییانین قاپیسینین آچیق قالماسیندان ایستیفاده ائد‌رک قاچان روبوت «آزاد روبوت»، ایول آییندا ایسه کیتاب رفینین اوزریندن ییخیلان آزیاشلی قیزی خلاص ائتدیی اوچون «قهرمان روبوت» کیمی مشهورلاشمیشدی.