کانادا پلیسی ایران فوتبول فدراسیاسینین پرزیدنتی مهدی تاج‌ین، فدراسیانین باش کاتیبی هدایت ممبینینیی و بین‌الخالق علاقه‌لر کمیته‌سینین ایکی عضوونون اؤلکه‌یه گیریشینین قارشی‌سینی آلاراق اونلاری ایرانا قایتاریب.

Axar.az خبر وئریر کی، بو باره‌ده«اسپورتس ۳» تله‌کانالی معلومات وئریب.

معلوماتا اساساً، ایران نماینده هیئتی سفرینه شنبه گونو باشلاییب. اونلار اولجه ایرانین شمال-غرب سرحدیندن تورکییه‌نین وان شهرینه کئچیب، داها سونرا ایستانبولا گئدیبلر. نماینده هیئتی ایستانبول‌دان اوزون اوچوشلا وانکووره چاتیب.

اونلار کانادایا سیاحت ائتمک اوچون اجازه آلسالار دا (ویزا آلماسالار دا)، بو شخصلر اوزون مدت گؤزلدیک‌دن سونرا اؤلکه‌نین میقراسیا پلیسی اونلارین ویزا مراجعتینی رد ائتدیی اوچون ایرانا قاییتماق مجبوریتینده قالیبلار.

بیلدیریلیر کی، مهدی تاج‌ین کئچمیشده اصفهان‌دا سپاهین کشفیات اداره‌سینه رهبرلیک ائتمه‌سی اونونلا باغلی تهلوکه‌سیزلیک ناراحات‌لیقلارینی آرتیریب.

قید ائدک کی، کانادا ۲۰۲۴-جو ایلین ایون آیین‌دان بری انقلاب کشیک‌چیلری کورپوسونو "ترورچو" گروپ کیمی سیاهی‌یا آلیب.