دونیا بانکی، آوروپا ایستاتیستیکا بوروسو و تورکییه ایستاتیستیکا قورومونون ۲۰۱۶-جی ایل اوزره گؤستریجیلرینه اساساً، دونیانین ان بؤیوک اوچ اؤلکه‌سیندن بیری اولان چینین ۱ میلیارد ۳۷۸ میلیونلوق اهالیسینین ۱۰، هیندیستانین ۱ میلیارد ۳۲۴ میلیونلوق اهالیسینین ۶، آبش-این ایسه ۳۲۳ میلیونلوق اهالیسینین ۱۵ فایزی یاشلیلاردان عبارتدیر.

آخار. آذ خبر وئریر کی، بو باره‌ده معلوماتی تورکییه‌نین «آنادولو» آگئنتلیگی یاییب.

معلوماتا گؤره، بیرلشمیش عرب امیرلیکلری و قطر ۱ فایزلیک گؤستریجی ایله یاشلی اهالیسی ان آز اولان اؤلکه‌لردیر. بو اؤلکه‌لری یاشلی اهالیسینین سایی ۲ فایز اولان اوگان‌دا، کویت، عمان، آنگولا، بحرین، بورکینا فاسو و زامبییا ایزلییر. آراشدیرمادا قید اولونور کی، اؤتن ایلین گؤستریجیلرینه اساساً، ۱۲۷ میلیونلوق یاپونییا اهالیسینین ۲۷، ۸۲.۶ میلیونلوق آلمانییانین ۲۱ و ۶۰.۶ میلیونلوق ایتالییانین ۲۲ فایزی یاشلی اهالیدن عبارتدیر. دونیانین ان یاشلی اؤلکه‌لرین‌دن اولان یونانیستاندا ایسه اهالینین ۲۱ فایزی ۶۵ و داها یوخاری یاشا صاحبدیر. بونا گؤره ده آوروپا دونیانین ان یاش‌لی قیطعه‌سی حساب اولونوب.

معلومات‌دا بیلدیریلیب کی، تورکییه‌نین یاشلی اهالی نیسبتی ۸،۳ فایز تشکیل ائدیر و بو گؤستریجی ایله او، آوروپانین ان گنج اؤلکه‌سی حساب اولونور.