ماهاچقالا شهرینین یاخینلیغیندا یئرلشن کراسنوارمئیسکی قصبه‌سینده دراماتیک حادثه‌لر یاشانیب.

ویرتوالاذ. اورگ خبر وئریر کی، یئرلی ساکینلر دؤولتین یاشاییش منطقه‌سی اوچون آییردیغی تورپاق ساحه‌سی اوستونده یئرلی حاکمیتله داوایا قالخیب. اهالینین فیکرینجه، مأمورلار همین تورپاغی اؤز آدلارینا قیدیاتدان کئچیریبلر.

کند آدمینیستراسییاسی و تیکینتی ایشلرینی آپارانلارلا سؤز گولشدیرمه بیر مدت سونرا اصل داوایا چئوریلیب. حادثه یئرینه پلیس امکداشلاری گلیب. جماعت حقوق-محافظه اورقانی امکداشلارینین ماشینینی داشا توتوبلار و آوتومبیل طرفه زیر-زیبیل آتیبلار. یالنیز پلیس امکداشلارینین تابئل سلاحینا مراجعت ائتمه‌سیندن سونرا کوتله «اؤزونه گلیب» و داغیلیشیب. قئید اولونور کی، پلیس هاوایا آتش آچیب.

«۱۵ ایلدن چوخدور کی، بیزی بورا کؤچوررکن دؤولتین آییردیغی ۴۹ هکتار تورپاق اراضی‌سینی قورویوب ساخلاماغا چالیشیریق»، - کراسنوارمیسکی ساکینلریندن بیری دئییر. اونون سؤزلرینه گؤره، یئرلی مأمورلار جماعتین ایجازه‌سی اولمادان تورپاغی اؤز آدلارینا قیدیاتدان کئچیریبلر، لاکین اهالی بورادا تیکینتی ایشلرینین آپاریلماسینا یول وئرمه‌ییب.

«بو اراضیده بیزیم قبیریستانلیغیمیز دا یئرلشیر. لاکین ایندی معلوم اولور کی، تورپاغین آذربایجاندان گلمیش یئنی صاحبی وار. او، آغیر تیکینتی تکنیکاسینی ساحه‌یه سالاراق بورادا هانسیسا ایشلری آپارماق ایسته‌ییب. بیز بونا قارشی چیخدیق و اعتراض آکسییاسی کئچیردیک. آدمینیستراسییادان مأمورلار گلدی. تکنیکانی مباحثه‌لی اراضییه بوراخمیردیق، لاکین پلیس امکداشلاری آرایا گیردی. ظابطلرین گؤستریشینه باخمایاراق، گئری چکیلمدیک. سونرا اوشاقلار آساییش کئشیکچیلری ایله داوایا گیریشدیلر. ۱۰ نفر توتولوب»، - ساکین قید ائدیب.