«قاراباغ»این آلبان فوتبولچوسو آنسی آقوللی ۳۵ یاشینی قید ائدیب.

آخار. آذ بیلدیریر کی، آقوللی ۱۹۸۲-جی ایل اوکتیابرین ۱۱-ده آلبانییانین پایتختی تیرانا شهرینده آنادان اولوب. «قاراباغ»این اساس اویونچولاریندان اولان آقوللی پئشکار فوتبولچو اولماقلا یاناشی، آذربایجانی چوخ سئویر و هر دفعه بونو دیله گتیریر.

اونون قاراباغین آغدام رایونونون اهالیسینه خاص اولان «قاقا» سؤزوندن خوشو گلیر و بو مراجعتی تئز-تئز ایشله‌دیر. آقوللی همچینین آذربایجان دیلینی ده معین قدر اؤیرنیب.

بو گون «قاراباغ» کلوبو دونیانین ان معتبر کلوب تورنیری اولان چئمپیونلار لیگاسیندا ایشتیراک ائدیر و شوبهه‌سیز کی، بوندا آنسینین ده رولو وار. «قاراباغ»این افسانه‌لریندن اولماق یولوندا آددیملایان آنسی آقوللی هم میداندا، هم ده فوتبولدان کناردا آذربایجانا نئجه باغلی اولدوغونو دایم گؤستریر.

آقوللینین خصوصاً آورو-۲۰۱۶-نین سئچمه مرحله‌سینده ارمنیستان ییغماسی اوزرینده (۰-۳) قلبه‌دن سونرا «وازگن سارگسیان آنوان هانراپتاکان مارزاداشت» ایستادیونوندان اؤلکه‌میزه، خالقیمیزا سلام گؤندرمه‌سی بؤیوک رغبتله قارشیلانمیشدی.