تورکییه‌ده یئنی یارادیلان مارال آکشنرین ایگی پارتییاسینین سس توپلاما پوتنسیالی آچیقلانیب.

آخار. آ خبر وئریر کی، بو باره‌ده یئرلی آنار آراشدیرما شیرکتی اینفورماسییا یاییب.

آراشدیرما شیرکتینین رهبری ایبراهیم اوسلونون سؤزلرینه گؤره، پارتییا قورولمادان بیر قدر اول آپاریلان سورغونون نتیجه‌لری آکشنرین سس توپلاما پوتنسیالینین ۲۰ فایزه یاخین اولدوغونو گؤستریب.

«بو پوتنسیال سس فایزی ده بو قدر اولاجاق آنلامینا گلمیر. هئچ واخت سس وئرمرم و بؤیوک احتیماللا سس وئرمه‌یه‌جم دئیه‌نلری کنارا قویساق، تخمیناً ۲۰ فایز اطرافیندا سس توپلاما پوتنسیالی مؤجودور»، - اوسلو دئییب.

سئچیجی لر اوچون پارتییا پروگراملارینین دئییل، موختلیف مسئله‌لرده‌کی ایراده نین و نامیزدلرین واجیب اولدوغونو بیل‌دیرن اوسلو ایگی پارتییانین مرکز ساغداکی بوشلوغو دولدورماق ادعاسی باره‌ده ده دانیشیب:

«قایی بویونون بایراغینی سیموول کیمی سئچدیینیز زامان کوردلره «منه سس وئرمه یین» دئمیش اولورسونوز. کوردلرین سسینی توپلامایان بیر مرکز ساغ پارتییا مومکون دئییل».

قئید ائدک کی، ایگی پارتییاسینین خاریجی خصوصی خیدمت اورگانلارینا باغلیلیغی باره‌ده ادعالار سسلندیریلیر.