ترامپ آدمینستراسییاسی دؤورونده آمریکانین مرکزی آسییایا قاییداجاغینی دوشونموره‌م.

بونو آخار. آذ-آ آچیقلاماسیندا آزاد دموکرات پارتییاسینین صدری صولح الدین اکبر آوروپا پارلامنتینین آمریکانین مرکزی آسییادا مؤقعلرینین ضعیفله‌مه‌سی ایله باغلی حساباتینا موناسیبت بیلدیررکن سؤیله‌ییب. اونون سؤزلرینه گؤره، حاضردا ترامپین کومانداسیندا روسییا ایله باغلی موناسیبتلرده جدی فیکیر آیریلیغی مؤوجوددور:

«بونا گؤره ده ترامپین حاکمیتده اولدوغو مدت و یا بو سیاستینه داوام ائتدیی دؤور عرضینده آمریکانین روسیایلا، اؤزللیکله ده پوستسووت مکانیندا قارشیدورمایا گئدجیینی دوشونموره‌م. اولا بیلسین کی، ترامپدان سونراکی دؤورده بو، مومکون اولسون. ایندیکی حالدا ایسه پوستسووت مکانیندا مریکانین هله‌لیک اوکراینا ایستیقامتینده آکتیو سیاست آپاردیغی گؤرونور، اما اوکراینا خاریج دیگر ایستیقامتلرده، خصوصاً مرکزی آسییادا آمریکانین آکتیولیگی موشاهیده ائدیلمیر. دوزدور، افغانیستان عملیاتلارینا بیر قدر دقت آرتیریلیب، بو دا آمریکانین افغانیستان‌دا آکتیو سیاست آپارماسی ایله باغلی دئییل. بو، ساده‌جه اولاراق بورادا روسییا ایله پاکیستانین، ائلجه ده طالبانین آکتیولشمه‌سی ایله باغلیدیر. یئنه ده قید ائدیره‌م کی، ترامپ دؤنمینده آمریکانین پوستسووت مکانیندا روسیایلا یئنی گرگینلیک اوجاغی یاراداجاغینی و مرکزی آسییادا آکتیو سیاست آپاراجاغینی دوشونموره‌م».

قید ائدک کی، آوروپا پارلامنتی روسییانین مرکزی آسییادا مؤقعلرینی گوجلندیرمسیله باغلی حسابات یاییب. حسابات‌دا آمریکانین بو رگیوندا مؤقعلرینین ضعیفله‌مه‌سینه اساس سبب کیمی اونون افغانیستان‌داکی عملیاتلارینین اینئنسیولیینین آزالماسی گؤستریلیب. آورودا دارلامنتی همچینین آمریکانین افغانیستانا روسییا اوزریندن سلاح ترانزیتی ایمکانلارینی ایتیردیینی ده بیلدیریب.