اگر گلن بازار گونو روسییادا پرزیدنت سئچکیسی کئچیریلسیدی، روسلارین ۲۵%-ی حاضیرکی پرزیدنت ولادیمیر پوتینه سس وئرردی.

آخار. آذ خبر وئریر کی، بو نتیجه «رومیر» شیرکتینین کئچیردیی سورغودان سونرا اورتایا چیخیب. سورغونون نتیجه‌لرینه اساساً، روسلارین ولادیمیر پوتیندن سونرا ان چوخ گووندیی شخص روسییا لیبرال دموکرات پارتییاسینین صدری ولادیمیر ژیرینووسکی (۸%) اولوب. اوندان سونراکی یئرلرده روسییا کومونیست پارتییاسینین لیدری گنادی زوقانوو (۷%)، بلوگر آلکسئی ناوالنی (۳%)، تله آپاریجی کسنییا سوبچاک (۲%)، یابلوکو پارتییاسینین صدری گریگوری یاولینسکی (۲%) یئر آلیب.

قئید ائدک کی، شیرکت سورغونو یالنیز مارت آییندا باش توتاجاق سئچکییه گئتمه‌یه‌جک و پوتینین طرفداری اولمایان اینسانلار آراسیندا کئچیریب.