روسییانین اؤزل حربی شیرکتینین موزدلولارینین بؤیوک حیصه‌سی سورییادان چیخاریلیر.

آخار. آذ خبر وئریر کی، بو باره‌ده اینفورماسییانی بی بی سی-نین روسییا خیدمتی یاییب. معلوماتا اساساً، سورییادان چیخاریلان موزدلولار سودانا کؤچورولورلر. اونلارین سودان پرزیدنتی عمر بشیرین طرفینده دؤیوشلرده ایشتیراکی گؤزلنیلیر.

قید ائدک کی، حاضردا روسییانین سورییادا مینلرله موزدلو دؤیوشچوسو وار. اونلارین سورییایا گؤندریلمه‌سینه خصوصیله «واقنئر» اؤزل حربی شیرکتی نظارت ائدیر. موسکوا بو موزدلولاری رسمی اولاراق اؤز حربچیلری حساب ائتمیر و اونلارین ایتکیلری حاقیندا هئچ بیر خبر وئرمیر.

بیر مدت اؤنجه عمر بشیر روسییایا سفر ائتمیشدی. آمریکا طرفیندن دیکتاتور اولاراق تانینان و قارا سیاهییا سالینان بشیر موسکوادا روسییا پرزیدنتی ولادیمیر پوتیندن واشینگتنا قارشی موباریزه‌ده یاردیم ایستمیشدی.