شرقی آسییادا ساواش باشلاسا، آمئریکا چین و روسییایا اودوزاجاق.

آخار. آذ خبر وئریر کی، بو باره‌ده اینفورماسییا راند آنالیتیک تشکیلاتینین «آمئریکانین تهلوکه‌لی دونیا قارشیسینداکی حربی ایمکانلاری و گوجلری» حساباتیندا یئر آلیب. حساباتا اساساً، آمئریکانین حربی خرجلرینین هر ایکی اؤلکه‌دن چوخ اولماسی بو مغلوبیتین قارشیسینی آلماق اوچون یئترلی دئییل:

«آمئریکانین دوشمن لرینه قارشی اوستونلوک قازانماسینا ایمکان یارادان تخنولوگییالار آرتیق چین اوردوسوندا دا وار. بو ایسه اونون آمئریکا عملیاتلارینا داها آسان مقاومت گؤسترمه‌سینه ایمکان یارادیر. چینین بو ایمکانلارا صاحب اولماسی آمئریکانین بؤلگه‌ده‌کی وضعیتینی چتینلشدیریر و اونون تهلوکه‌سیزلیکله باغلی ضمانتلر وئرمه‌سینین سورغولانماسینا سبب اولور».

تشکیلات، همچینین، آمئریکانین روسییا ایله بالتیکیانی رئگیونو و اوکراینادا دا اوز-اوزه گله بیلمه احتیمالینین اولدوغونو بیلدیریب:

«روسییا کئچمیش سسری اؤلکه‌لری اولان باتیکیانی دؤولتلرینه موداخیله ائتسه، ناتو چتینلیکلرله قارشیلاشاجاق. روس اوردوسو معاصر مدافعه سیستملرینه مالیک‌دیر. ناتو روسییانین هوجومو زامانی بالتیکیانی اؤلکه‌لری قوروماق گوجونده اولمایاجاق.

اوکراینا ایله روسییا آراسیندا یاشانان دوشمنچیلیین یئنی‌دن آلوولانماسی قارا دنیزده بؤیوک گرگینلییه سبب اولاجاق. آنکارا موسکوا ایله ۱۵ ایول چئوریلیش جهدیندن سونرا خیلی یاخینلاشیب و بو دا اونون روسییا ایله اوکراینا آراسینداکی یئنی حربی بحرانا نئجه رئاکسییا وئره جه یینی معین ائتمه‌یه ایمکان وئرمیر».