آمئریکا سورییا کونفلیکتی اوجباتیندان روسییایا قارشی تطبیق ائتدیی سانکسییالاردان ۲۰۱۸-جی ایلده ده ایمتیناع ائتمه‌یه‌جک.

آخار. آذ خبر وئریر کی، بو باره‌ده پروقنوز روسییا بین الخالق موناسیبتلر شوراسی آنالیتیک مرکزینین حساباتیندا یئر آلیب. حساباتا اساساً روسییا اوچون یاخین گله‌جک‌ده خاریجی سیاست ریسکلری آرتاجاق:

«موسکوا و واشینگتونون سورییادا امکداشلیغی آز ایناندیریجی‌دیر. بو امکداشلیغا آمئریکانین روسییا ایله باغلی سیاستی مانع اولاجاق. سورییا مسئله‌سینده اساس مانعه ه.ر.۳۳۶۴ قانونو اولاجاق. کئچه‌ن ایلین ایولون‌دا کونقرسین قبول ائتدیی قانون لاییحه‌سینی پرزیدنت دونالد ترامپ آوگوستون ۲-ده تصدیق ائدیب. یئنی قانونون آدی گئنیش میقیاسلی اقتصادی تضییقلر باره‌ده دوشونمه‌یه ایمکان وئریر. «آمئریکا دوشمن لرینه قارشی سانکسییالار واسطه‌سیله مقاومت» آدلانان قانوندا اساس صحبت تکجه روسییادان یوخ، ایران، بینلخالق تروریزم و شیمالی کورئیادان گئدیر. یئنی قانونا اساساً سورییا پرزیدنتی بشر اسده حربی یاردیمدا ایشتیراک ائد‌ن بوتون خاریجی وطنداشلار جزالاندیریلمالی‌دیر».

تشکیلاتین پروقنوزونا اساساً، گلن ایل روسییا یاخین شرقده اقتصادی آکتیولیینی آرتیراجاق:

«بورادا صحبت تکجه سورییانین محاربه‌دن سونراکی برپاسی و ایرانلا عنعنوی علاقه‌لردن گئتمیر. روسییا مصر، عراق، سعودییه عربیستانی کیمی دؤولتلرله ده یئنی موقاویله‌لر ایمضالایاجاق. آمئریکانین عنعنوی تأثیر زونالاری اولان بؤلگه‌لرله علاقه‌لر واشینگتون اوچون قیجیقلاندیریجی مقام اولا بیلر».

حساباتدا، همچینین، سورییاداکی آتشکه‌سین آرادان قالخما احتیمالینا دا یئر وئریلیب. بئله کی، آتشکه‌سین سونا چاتماسینا تکجه روسییا-آمئریکا قارشی‌دورماسی یوخ، هم ده رگیونال گوجلر آراسینداکی فیکیر آیریلیقلاری سبب اولا بیلر.

قئید ائدک کی، روسییا بین الخالق موناسیبتلر شوراسی آنالیتیک مرکزی روسییا خاریجی ایشلر ناظیرلیینه یاخینلیغی ایله سئچیلیر.