آمریکا، ایسرایل و سعودییه عربیستانی ایران‌داکی ایغتیشاشلاری قیزیشدیریرلار.

آخار. آذ خبر وئریر کی، بونو ژورنالیستلره آچیقلاماسیندا ایران باش پروکورورو محمد جعفر مونتظری سؤیله‌ییب.

اونون سؤزلرینه گؤره، ایران‌دا ایغتیشاشلارین آلوولاندیریلماسی لاییحه‌سینین اساس مؤلفی مایک داندرئادیر. مونتظیری اونون اوللر مرکزی کشفیات ایداره‌سینین (مکی) تروریزمله موباریزه شعبه‌سینده چالیشدیغینی بیلدیریب.

«ایراندا ایغتیشاشلار اوچون خصوصی قروپ یارادیلیب. اونون ترکیبینده آمریکا، ایسرایل و سعودییه عربیستانی متخصصلری یئر آلیبلار. قروپا ایسرایلین خاریجی کشفیات خیدمتی موصاد-لا علاقه‌سی اولان مایکل داندرئا رهبرلیک ائدیب. قروپون بوتون خرجلرینی ایسه سعودییه عربیستانی اؤد‌ییب. ایرانا قارشی تشکیل ائدیلن پلان «داواملی یاخینلاشما دوکتریناسی» آدلاندیریلیب. اونون حاضرلانماسینا ایسه بیر نئچه ایل صرف اولونوب. پلانین حاضرلانماسین‌دا همچینین ایران خالق موجاهیدلری تشکیلاتی، شاه رژیمینین داوامچیلاری، میللتچیلر و کومونیستلرله باغلی بیر نئچه قروپلاشما دا ایشتیراک ائدیب. ایغتیشاشلار اوچون عراق کورد موختاریاتی و افغانیستان‌دا ایکی اوپئراتیو هوجره ده یارادیلیب. بو هوجره‌دن ایشید دؤیوشچولری اؤلکه‌ده‌کی میتینقلره جلب ائدیلملیدی.

قید ائدک کی، بوندان اؤنجه «نیو یورک تایمز» قزئتی ۲۰۱۷-جی ایلین ایونوندان اعتباراً داندرئانین مرکزی کشفیات اداره سینین ایران سیاستینه رهبرلیک ائدجیی حاقیندا اینفورماسییا یایمیشدی. داندرئانین «کؤلگه شاهزاده» و «آیت الله مایک» آدلاندیریلدیغی بیلدیریلمیشدی. او، اوللر اوسامه بین لادنین ایزلنیلمه‌سی عملیاتینا دا رهبرلیک ائدیب.