ایران حادثه‌لری باشلانغیج‌دیر. مایکل داندرئانینسی آی ای-ده ایران بؤلمه‌سینه رهبر گتیریلمه‌سی ترامپین اوبامانین ایرانی بؤلگه سیستئمینه اینتئقراسییا پروسسیندن ایمتینا ائدیب، داها تأثیرلی فعالیتلر سیستمینه کئچمه‌سینین گؤستریجیسیدی. ایرانین بؤلگه‌ده تأثیرینی بو قدر گئنیشلندیرمه‌سی ایسرایلی، سعودییه عربیستانینی و قیسما ده تورکییه‌نی ناراحات ائدیب.

آخار. آذ خبر وئریر کی، بونو «تایمتورک» سایتینا آچیقلاماسیندا تورکییه‌لی اکسپرت تالها کؤسه سؤیله‌ییب.

«ایرانا تأثیر گؤستره‌رک، اونو ایچینده‌کی پروبلملرله باش-باشا قویماق کیمی گؤزلنتیلر وار ایدی. دیگر پروبلم ایسه بو یای بانکلارین چؤکمسیدی. بو، جمعیتده‌کی جدی اعتبارسیزلیغی اورتایا چیخاردی. بانکلارین چؤکمه‌سینده آمریکانین نه درجه‌ده تأثیرلی اولماسی معین ائدیلمه‌لیدیر. آمریکا سیستملی شکیلده ایرانی غیری-ایستابیل ائتمک اوچون آددیملار آتیر. اؤنوموزده‌کی دؤنمده ده بو داوام ائد‌جک. بورادا آمریکانین ایسرایل و سعودییه عربیستانی ایله کووردیناسییاسینین دا اؤنملی رولو وار. دیگر طرفدن سورییا و یمن بحرانی داوام ائدیر و بو، ایرانی ساده‌جه مادی باخیمدان تأثیر آلتینا سالمیر. بورادا ایرانین حربچیلری اؤلور و بو دا جمعیته تأثیر گؤستریر»، - دئیه او بیلدیریب.

اونون سؤزلرینه گؤره، ایرانداکی پروسئسلر ساده‌جه باشلانغیجدیر:

«اصلینده، پروسئسلر ایراندا یوخ، افغانیستان‌دا نظارتدن چیخاجاق. ایپک یولونون چین، مرکزی آسییا، پاکیستان و ایران یؤنو وار. بورا او قدر کریتیک نقطه‌دیر کی، سون زامانلار سورییاداکی ایشید-چیلرین آمریکا طرفیندن افغانیستانا داشیندیغی شایعه‌لری یاییلیر. اوسته‌لیک، روسییانین افغانیستان‌دا طالبانلا آنلاشماسی ایله باغلی شایعه‌لر وار. پاکیستانین دا اورادا عملیاتلاری داوام ائدیر. افغانیستان‌داکی گرگینلیین ایپک یولو ایله باغلی اولدوغونو گؤروروک. بو، اصلینده، چینین قارشیسینی آلماق اوچون تشکیل ائدیلن عملیاتدیر.

ترامپین پاکیستان مسئله‌سینی گونده‌مه گتیرمه‌سی تصادف دئییل. آمریکا پاکیستانی ایستدیی کیمی ایستیفاده ائده بیلمیر. پاکیستان حاضردا چینله علاقه‌لرینی گوجلندیریر. چین ایسه افغانیستانی محض پاکیستان واسطه‌سیله ایداره ائتمه‌یه چالیشیر. بو، آمریکایا افغانیستاندا پروبلملر یارادیر».