چکییادا کئچیریلن پرزیدنت سئچکیلرینده حاضیرکی پرزیدنت میلوش زئمان و علملر آکادئمییاسینین سابیق صدری ایرژی دراگوش یانوارین ۲۶-۲۷-ده کئچیریله‌جک سس وئرمه‌نین ایکینجی توروندا موباریزه آپاراجاقلار.

آخار. آذ خبر وئریر کی، بو باره‌ده چکییا ایستاتیستیکا ایداره‌سی معلومات یاییب. سئچکی منطقه‌لرینین ۸۲،۶۵ فایزیندن داخیل اولان معلوماتلارا گؤره، میلوش زئمان ۴۰،۴ فایز سسله لیدرلیک ائدیر. اونون اساس رقیبی ایرژی دراگوش سئچیجیلرین ۲۴،۸ فایزینین دستیینی قازانیب. دؤولت باشچیسی پوستونا دیگر ۷ نامیزد ایسه ۰،۵ فایزدن ۹،۱ فایزه قدر سس توپلاییب.

سس وئرمه‌نین یئکون نتیجه‌سی یانوارین ۱۶-دا رسمن اعلان ائدیله‌جک.

خاطیرلاداق کی، میلوش زئمان اؤزونون آنتی‌موسلمان باخیشلاری ایله تانینیر. او، ۲۰۱۵-جی ایلین میقراسییا بحرانینی آوروپایا «تشکیل اولونموش موداخیله» حساب ائدیر. زئمانین فیکرینجه، موسلمانلار آوروپا اؤلکه‌لرینه اینتقراسییا اولونا بیلمزلر. او، همچینین دفعه‌لرله روسییایا قارشی سانکسییالارین لغو اولونماسینا چاغیریشلار ائدیب.

دراگوش ایسه آوروپا اتفاقی ایله امکداش‌لیق و روسییایا قارشی سانکسییالار طترفداریدیر. پراگانین «آوروپا اتفاقیندا داها فعال رول اویناماسینی» واجیب حساب ائد‌ن دراگوش چئخییانین آورونو والیوتا قیسمین‌ده قبول ائتمه‌سینی دستکلییر.

قئید ائدک کی، چئخییادا عمومی پرزیدئنت سئچکیلری ایکینجی دفعه‌دیر کی، کئچیریلیر.