آمریکا ایران گرگینلیگی گله‌جکده واشینگتونون غرب دؤولتلری ایله موناسیبتلرینه ده منفی تأثیر گؤستره‌جک. بروکسلده آوروپا بیرلیینین خاریجی ایشلر ناظرلری ایله ایرانین خاریجی ایشلر ناظری جاواد ظریف آراسینداکی گؤروش گؤستریر کی، بیرلیک تهرانلا داها پراگماتیک موناسیبتلرین طرفداریدیر.

بو سؤزلری آخار. آذ-آ آچیقلاماسین‌دا پولیتولوق ایلقار ولی‌زاده دئییب. ائکسپئرت آبش-ایران موناسیبتلرینین گئتدیکجه داها دا گرگینلشدیینی بیلدیریب:

«آوروپا بیرلییی ناظرلری بیر نئچه ایل اؤنجه ایرانلا نووه پروگرامینا دایر باغلانمیش سازیشین یئرینه یئتیریلدیینی تصدیقله‌ییبلر و بونونلا باغلی بیانات دا یاییبلار. آمریکادان باشقا دیگر اویون‌چولار ایرانلا نووه سازیشینی قناعتبخش حساب ائدیرلر و چالیشیرلار کی، بو مسئله یئنی بیر بحرانا گتیریب چیخارماسین. اونسوز دا رئگیون بحرانلی وضعیت‌ده‌دیر و ایکینجی بحران هئچ کیمه لازیم دئییل. روسییا و چین ده سازیشین ایشتیراک‌چی‌سی کیمی آمریکادان فرقلی موناسیبت اورتایا قویوبلار. آنجاق سازیش‌دن چیخماق نیتین‌ده اولان آبش ایندی ده آوروپا اؤلکه‌لرینی هدلییر. آبش-این رازیلاشمادان چیخماسی استثنا اولونمور. بو او دئمک دئییل کی، دیگر اویون‌چولار دا عینی مؤقعنی سرگیله‌یه‌جکلر. آنجاق بو دوروم آمریکا ایله اونون آوروپا طرفداشلاری آراسین‌داکی موناسیبتلره ده سیرایت ائد‌جک و ضدیتلر قاچیلماز اولاجاق. فیکیر وئرین، دونالد ترامپ بؤیوک بریتانییایا چوخدان پلانلاشدیریلان سفرینی تاخیره سالیب. بو کونتکستده حساب ائدیره‌م کی، آمریکا-ایران گرگینلیگی گله‌جک‌ده واشینگتونون غرب دؤولتلری ایله موناسیبتلرینه ده منفی تأثیر گؤستره‌جک».

قید ائدک کی، آمریکا بوندان اؤنجه ایرانا قارشی سانکسییالارین لغوی مدتینی اوزادیب. ترامپ ایسه داها سونرا بیانات یایاراق، بونون ایرانلا نووه راضیلاشماسینین داوام ائتدیریلمه‌سی اوچون سونونجو شانس اولدوغونو بیلدیریب. او، آوروپاداکی موتتفیقلرین‌دن ایرانلا نووه رازیلاشماسینا علاوه‌لر ائدیلمه‌سینی ایسته‌ییب. ترامپ همچینین بو مدت عرضین‌ده هئچ بیر علاوه‌له اولمایاجاغی تق‌دیرده آبش-این نووه رازیلاشماسین‌دان چیخاجاغینی بیلدیریب.