پ کاکا-نین عفرین‌ده مؤحکملندیریلمه‌سینده اساس مقصد ترور تشکیلاتینین عراقین شیمالیندان باشلایان و سورییانین شیمالی ایله داوام ائد‌ن یوللا آرالیق دنیزینه چیخیشینی تامین ائتمک‌دیر.

آخار. آذ خبر وئریر کی، بو باره‌ده تورکییه‌لی کؤشه یازاری طاها داغلی یازیب.

«عفرین مؤقع اعتباری ایله تورکییه اوچون ایستراتژی اهمیته صاحب بیر یئردیر. بو اراضینین کیمین نظارتینده اولاجاغینی ساده‌جه تورکییه‌نین تهلوکه‌سیزلیک قایغیلاری ایله ده ایفاده ائتمک دوزگون اولماز. بوندان علاوه آفرینین اقتصادی بیر اؤنمی وار. جنوبو ایدلیب، غربی آزئز اولان عفرین پ کاکا ایشغالیندا قالدیغی مدت‌ده تورکییه اوچون تهلوکه‌سیزلییه تهدید اولاراق همیشه قارشیمیزا چیخاجاق»، - داغلی بیلدیریب.

تورکییه‌نی اقتصادی جهت‌دن کنارلاشدیرماق

«مسئله نین اقتصادی طرفی پ کاکا-نی عفرینه یئرلشدیره‌نلرین خئیرینه‌دیر و بیرباشا اولاراق تورکییه‌نین اقتصادی منافعینی هدفه آلیر. چونکی اورتادا شیمالی عراق نفتینین و گازینین آرالیق دنیزینه چیخیشی زامانی تورکییه‌نی تجرید ائتمه‌یه حسابلانمیش بیر لاییحه وار. آفرین ایسه بو لاییحه‌نین ان واجیب اونسورودور».

آمئریکانین «شیطان» پلانی

«لاییحه تورکییه‌نین هم تهلوکسیزلیینی، هم ده اقتصادیاتینی تهدید ائد‌جک. طبیعی گاز و نفت ایخراجیندا تورکییه‌نین تجرید اولونماسی احتیمالی همیشه گوندمده اولاجاق. بوندان علاوه، تورکییه سرحدلرینده عرب قونشو اوزینه پ کاکا اولاجاق. بو دا تورکییه‌نین جنوبداکی تیجاری موناسیبتلرینی زده‌له‌یه‌جک. آمئریکاین بورادا مقصدی تورکییه‌نی ضررسیزلشدیرمک‌دن علاوه، همچینین سورییاداکی حربی گوجونو قوروماق و عینی زاماندا اینکیشاف ائتدیرمکدیر».

آمئریکا دنیز یولونا چیخماغی پلانلاشدیریر

«سورییادا آمئریکانین دنیزه چیخیش ایمکانی الده ائتمه‌سی گله‌جک‌ده حربی بازا پلانلاری اوچون ضمانت دئمک‌دیر. بو معنادا حربی دسته یین هاوا یولو ایله دئییل، دنیز واسطه‌سیله وئریلمه‌سی‌ده اهمیتلی‌دیر. بو کولیدورون یالنیز اقتصادی و حربی فعالیتلر اوچون اولدوغونو دا دئمک دوزگون دئییل. پ کاکا-نین مؤوجود اولدوغو و آمئریکانین نظارت ائتدیی مارشروت ایسه ایسته‌نیلن قاچاقمالچیلیق فعالیتی اوچون آچیق اولاجاق».