تورکییه سلاحلی قوه‌لری عفرین‌ده عملیات تشکیل ائتمک اوچون ۳ آی حاضرلیق آپاریب. عملیاتا رهبرلیک ائد‌ن ایسماییل متین تمل پاشانین تطبیق ائتدیی ایستراتگییالار پ ی د ترور قروپلاشماسینی شوکا سالیب.

آخار. آذ خبر وئریر کی، بو باره‌ده هابئر-۷ یازیب.

معلوماتا گؤره، عفرین عملیاتی چرچیوه‌سینده بوتون هدفلر تک-تک معین ائدیلیب. بئله کی، تورک اوردوسو عفرینین ایسته‌نیله‌ن کوچه‌سی، حتی ائولری باره‌ده آیری-آیریلیقدا معلومات توپلاییب. عملیاتا حاضرلیقلار چرچیوه‌سینده کشفیات ایداره‌سی، آسو، پوا-لار و «بوردو بئریلی»لر اوزون مدت اراضی‌ده کشفیات آپاریبلار. عفرین‌ده چکیلمیش فوتولاری و پیک گؤرونتولرینی تحلیل ائد‌ن تورکییه‌نین کشفیات ایداره‌سی اوردو اوچون هدف سیاهی‌سی حاضرلاییب.

تورک اوردوسو هدفین نؤووندن آسیلی اولاراق، هانسی هدفین هانسی سلاحلا وورولاجاغینی دا معین ائدیب. عملیاتا رهبرلیک ائد‌ن گنرال متین تملین پ ی د-نی شوکا سالان ایستراتژییاسی ایسه گوندوز ساعتلاریندا و حرکتلیلیین موشاهیده اولوندوغو بؤلگه‌لرین اوزینه گؤزلنیلمز اراضیدن هوجوما باشلاماق اولوب.

قید ائدک کی، عملیات باشلادیقدان سونرا دا احتیاطی الده‌ن وئرمه‌یه‌ن تورکییه سلاحلی قوه‌لری متمادی اولاراق ضربه ائندیریلمیش کووردیناتلاری یوخلاییر.