«وتب بانک»این پرزیدنتی، ایداره هئیتینین صدری آندرئی کوستین آمریکانین روسییایا قارشی یئنی سانکسییالارینی محاربه اعلانی ایله مقاییسه ائدیب.

پوبلیکا. آذ خبر وئریر کی، بانکیر بئله بیاناتلا داووس عومومدونیا اقتصادی فورومون کولیارلاریندا چیخیش ائدیب.

اونون سؤزلرینه گؤره، روسییا مالییه اینستیتوتلارینا قارشی ایسته‌نیلن اقتصادی سانکسییالار «محاربه اعلانی»نا اوخشار اولاجاق. آندری کوستین همچینین بیلدیریب کی، ایندی یئنی قیزغین سلاحلانما مرحله‌سی باشلانیر و بوندان یالنیز گنراللارلا سلاح ایستحصالچیلاری قازاناجاقلار.

«ناتو داها چوخ سلاح طلب ائدیر و آوروپادا بؤیوک میقداردا سلاح یئرلشدیریر. روسییا دا بونا عینی شکیلده جواب وئره‌جک»، - کوستین علاوه ائدیب.

بانکیر وورغولاییب کی، سورییا، بالتیکیانی و یاخود دا قارا دنیزده توپلانان سلاحلار بیر تصادف نتیجه‌سینده پارتلاییش یارادا بیلر.

خاطیرلاداق کی، داها اول آمریکانین روسییاداکی سفیری جون خانتسمان آمریکانین روسییایا قارشی ان گوجلو سانکسییالارین یانوارین ۲۹-دا اعلان ائدیلجیینی آچیقلاییب. نئچه نفرین آمریکاین یئنی سانک‌سییالارینا معروض قالاجاغینا گلینجه، سفیر دقیق جاواب وئرمه‌ییب. او علاوه ائدیب کی، یئنی سانک‌سییالارین روسییا-آبش موناسیبتلرینه تأثیر ائدجیی شوبهه دوغورمور.

داها اول آغ ائوده بریفینق زامانی آبش-این مالییه ناظری ایستیوئن منوچین بیلدیردی کی، اونون ایداره‌سی روسییا باره‌سین‌ده یئنی سانک‌سییالار اوزرین‌ده ایشلییر.

عینی زامان‌دا، روسییانین «کوممئرسانت» قزئتینین یازدیغینا گؤره، سانک‌سییالارا روسییانین آلی رهبرلیینه یاخین مأمورلار و بیزنئسمئنلر معروض قالاجاق. اونلارین سایی ۵۰-دن چوخ، عائله عضولرینین سایی ایله بیرلیک‌ده ایسه ۳۰۰-ا قدر اولا بیلر.