روسییا دونباسدان قوشونلارینی چیخارتماغی و کریمی گئری قایتارماغی پلانلاشدیرمیر.

آخار. آذ خبر وئریر کی، بو سؤزلر آمریکالی ائکسپئرت ایستیون بلانکین «آتلانتیک کوونسیل» آنالیتیک مرکزینین سایتیندا درج اولونان مقاله‌سینده یئر آلیب. مقاله‌ده وورغولانیب کی، کرملین بو سیاستی موسکوانین چؤکمه‌سینه سبب اولا بیلر:

«روسییا کریما اس-۴۰۰-لر گؤندرمکله بورادا حربی مؤوجودلوغونو آرتیریر. او، همچینین، کریمدا اوکراینایا عایید نیینسه پئیدا اولماماسی اوچون داواملی تضییقلر ائدیر. موسکوا حاضردا ایسرار ائدیر کی، اوکراینا سوء-قصد کاراکتری داشییان مینسک راضیلاشمالارینا قوشولسون. بو راضیلاشما فاکتیکی اولاراق اوکراینانی کونفدراسییایا چئویره و نتیجه‌ده دونباس اوزرینده کیئوین سوورنلیگی هر آن یوخ اولا بیلر. یارانمیش چتین وضعیتین اساس سببی روسییانین هله ده اوکراینانی موستقیل دؤولت حساب ائتمه‌مه‌سی ایله باغلیدیر. موسکوانین آقرسییاسیندان سونرا اوکراینانین تالعیی یئنیدن روسییانین الینه کئچیب. لاوروو و پوتینین آچیقلامالاری گؤستریر کی، اونلار ایمپرییانین الچاتماز اولدوغونو اعتراف ائتمکدن ایمتینا ائدیرلر. اونلار ساده‌جه اؤز لاییحه‌لرینین نئجه یوخ اولاجاغینی تئزلشدیریرلر».