ایسرایل موخالیفتینین لیدرلریندن بیری ایسحاق هئرسوق اؤلکه‌نین پولشاداکی سفیرینی گئری چاغیرماغی طلب ائدیب.

آخار. آذ خبر وئریر کی، او، پولشا حکومتینین ایکینجی دونیا محاربه‌سی ایله باغلی قبول ائتدیی قانون لاییحه‌سینین یهودیلر اوچون تحقیر اولدوغونو بیلدیریب. هئرسوقلا برابر، دیگر موخالیفت پارتییالاری دا مسئله‌یه موناسیبت بیلدیریب. ایسرایلین سول مرکزچی بلوکو اولان سیونیست دوشرگه‌سینین رهبری، کئچمیش خاریجی ایشلر ناظری سیپی لیونی وارشاوانین بونونلا تاریخی فاکتلاری و پولیاکلارین بیر قیسمینین هولوکوستدا ایشتیراکینی دانماق ایستدیینی بیلدیریب:

«بو قانون تکجه کئچمیشین لکه‌لرینی یومور، او هم ده حاضیرکی زامانا یئنی لکه‌لر علاوه ائدیر. بو قانون کئچمیشی دییشه بیلمز، اما گله‌جک اوچون تهلوکه‌لی‌دیر».

قید ائدک کی، پولشا سئیمینده قبول ائدیلن قانون لاییحه‌سینه اساساً، «پولشا اؤلوم دوشرگه‌لری» ایفاده‌سینی ایشله‌دن هر کسی اوچ ایل حبس جزاسی گؤزلییر. ائلجه ده پولیاکلارین ناسیست آلمانییاسی ایله متفیقلیینی بیلدیره‌ن، پولیاکلارین یهودی سویقیریمیندا ایشتیراکینی نظرده توتان بوتون ایفاده‌لر اؤلکه‌ده قاداغان اولونوب.