آلمانییا سوسیال-دئموکراتیک پارتییاسینین (آسدپ) صدری مارتین شولتس یئنی کوالی‌سییا حکومتینه داخیل اولماق‌دان ایمتینا ائتدیینی بیلدیریب.

آخار. آز خبر وئریر کی، شولس اؤز قرارینی پارتییادا «کادر دئباتلارینی» سونا چاتدیریلماسینین واجیب‌لیگی ایله ایضاح ائدیب.

«من فئدئرال حکومته داخیل اولماق‌دان ایمتینا ائتدیی‌می بیل‌دیریرم و عینی زامان‌دا، اومید ائدیره‌م کی، آسدپ-ده کادر دئباتلاری سونا چاتاجاق. بیز هامیمیز سیاستی بو اؤلکه‌ده‌کی اینسانلارا گؤره آپاریریق. منیم شخصی آمبی‌سییالاریم پارتییانین ماراقلاری ایله ضدیت تشکیل ائتمه‌مه‌لی‌دیر»، - شولتسون بیاناتین‌دا بئله دئییلیر.

بیر قدر اول آسدپ صدری یئنی کوالی‌سییا حکومتین‌ده آلمانییانین خاریجی ایشلر نازیرلیینه باش‌چی‌لیق ائتمک ایستدیینی بیلدیرمیش‌دی.

آلمانییادا یئنی حکومتین آپرئل‌ده فورمالاشاجاغی گؤزلنیلیر.