تورکییهنین عفرینده ترورچولارا قارشی حیاتا کئچیردیی «زیتون بوداغی» عملیاتینین ۲۲-جی گونونده تورک اوردوسو شهرین مرکزینه دوغرو ۳ کیلومتر ایرلیلهییب.
پوبلیکا. آذ خبر وئریر کی، بو، عفرین عملیاتیندا ۲۲ گون سونرا بیر ایلک اولاراق دیرلندیریلیر.
پ ی د/ی پ گ ترور تشکیلاتینین اشکان بؤلگهسیندهکی کشفیات قرارگاهی یئرله-بیر ائدیلدیکدن سونرا تورک اوردوسو عمومیلیکده عفرینین مرکزینه دوغرو ۱۱ کیلومئتر ایرلیلهییب.
معلوماتا گؤره، ترورچولارین قرارگاهیندا ۶۵ پ کا کا عضوو محو ائدیلیب. بونونلا یاناشی، دونن گئجه کئچیریلن عملیات نتیجهسینده اشکان بؤلگهسینین شیمالیندا صحرا-کشفیات قرارگاهی دا محو ائدیلیب. ترورچولار بو قرارگاهدان خاریجی کشفیات اورگانلاری ایله علاقه قورماق اوچون ایستیفاده ائدیرمیش.
دونن تورکییه اوردوسو هاتای بؤلگهسیندن ترورچولارین عفرینین جیندرس کندیندهکی مؤقعلرینی ده بومبالاییب.
حربی منبعلر، تورکییه اوردوسونون عفرینده تاریخی ظفر قازاندیغینی، ترورچولارین تمیزلهنمهسی عملیاتینین اوغورلا داوام ائتدیینی قید ائدیبلر.