روسییانین پسکوو شهرینده ایکینجی دونیا محاربه‌سی زامانی اسیرلیکده هلاک اولموش آلتی آذربایجانلینین جسدی تاپیلیب.

آذربایجانین روسییاداکی سفیرلییندن آپا-یا وئریلن معلوماتا گؤره، «روسییا قادینلار اتفاقی» اجتماعی تشکیلاتینین پسکوو رگیونال بؤلمه‌سی ایکینجی دونیا محاربه‌سی زامانی هلاک اولموش و پسکوو ویلایتینین پورخوو شهری اطرافیندا حربی اسیرلرین ساخلانیلدیغی کئچمیش «دولاق-۱۰۰» آدلی دوشرگه‌نین یئرینده دفن ائدیلمیش عسگرلرین قوهوملارینین آختاریشی ایله مشغول اولور.

همین دوشرگه‌ده تخمیناً ۸۵ مین اسیرین دفن اولوندوغو گومان ائدیلیر. حاضردا جمعی ۱۰۰۰ نفرین آدلاری معین ائدیلیب. «روسییا قادینلار اتفاقی» تشکیلاتی طرفیندن آذربایجانین روسییاداکی سفیرلیینه گؤندریلن مکتوبا اساساً اونلارین آراسیندا آذربایجانلیلار دا وار.

"مکتوبدا قید اولونان سیاهی هلاک اولموش سویداشلاریمیزین یاخینلارینین تاپیلماسی مقصدیله سفیرلیک طرفیندن ایجتیمایته تقدیم اولونور. بوندان علاوه، سؤزوگئدن معلومات آذربایجان رسپوبلیکاسینین عایدیاتی قوروملارینا دا گؤندریلیب. اونو دا بیلدیریریک کی، تشکیلاتین مکتوبوندا عکس اولونموش آدلارین بعضیلرینین یازیلیشیندا غیری-دقیقلییه یول وئریلدیی احتیمال اولونور. بونونلا باغلی هر هانسی یئنی معلومات الده ائدجییمیز تقدیرده، ایجتیمایته معلومات وئریله‌جک"، - دئیه سفیرلیین معلوماتیندا بیلدیریلیب.

سیاهیدا آدلاری اولان آذربایجان ساکینلری آشاغیداکیلاردیر (آد-سویادلاردا یانلیشلیق اولا بیلر):

۱۹۱۳-جو ایل تولدلو قوریو ساتار

۱۹۱۳-جو ایل تولدلو قوریئو صفتر (گدبی ساکینی)

۱۹۲۳-جو ایل تولدلو پاوئل مالیکوو (باکی ساکینی)

۱۹۲۰-جی ایل تولدلو جعفر ممدوو (شکی شهری ساکینی)

۱۹۱۵-جی ایل تولدلو موستافایئو پیروردی (قازاخ رایونو ساکینی)

۱۹۱۷-جی ایل تولدلو نجفوو نجف.