پاشینیانین اؤز کابینئتینده‌کی یئنی تعیناتلاری اونون یئنی رفورم، نفس گتیرن اصلاحاتلار کئچیرمه‌یه چالیشدیغینی گؤستریر. بورادا ایسه اساس مقصد معین قدر روسییادان اوزاقلاشماقدیر.

بو سؤزلری آخار. آذ-آ آچیقلاماسین‌دا پولیتولوق آرزو ناغییئو دئییب. او بیلدیریب کی، پاشینیانین ایلک آددیملاریندان داغلیق قاراباغ موناقیشه‌سی کارتیندان ایستیفاده ائدجیی حس اولونور:

«چونکی داغلیق قاراباغ موناقیشه‌سینین حل ائدیلمه‌سی و بو کارتدان ایستیفاده ائدیلمه‌سی اقتصادی پروبلملرین حلینه بؤیوک بیر تکان وئره بیلر. لاکین نه قدر کی، ارمنیستانین روسییا ایله علاقه‌لری یوکسک سوییه‌ده داوام ائد‌جک، بو پروبلمین حلی ایناندیریجی دئییل. چونکی روسییا داغلیق قاراباغ موناقیشه‌سینین حلینده ماراقلی دئییل. داغلیق قاراباغ مسئله‌سی بو گون حل اولونسا، ارمنیستان روسییانین الیندن چیخاجاق. اونا گؤره ده روسییا چالیشاجاق کی، بو موناقیشه‌نی ریچاق کیمی الین‌ده ساخلاسین. پاشینیان دا بونو گؤزل باشا دوشور. تک راکتلرله، حربی لوازیماتلارلا وضعیتدن چیخماق مومکون اولمایاجاق. اونا گؤره کی، پاشینیانین کوتله‌یه سؤز وئردیی مسئله محض اقتصادی پروبلملرین حلی ایله باغلی ایدی. سرکیسیانین دا حاکمیتدن دئوریلمه‌سینه اقتصادی پروبلملر سبب اولموشدو. پاشینیانین آکسییالار زامانی گئییندیی کاموفلیاژ فورما اونون ملاییم بیر حربیچی اولدوغونو بوروزه وئریردی. او روقزاق تاخماقلا گنجلره یاخین اولدوغونو و اونلارین چاغیریشلارینی نظره آلاجاغینی گؤسترمه‌یه چالیشیردی».

پولیتولوق قید ائدیب کی، پاشینیان سئچیم قارشیسیندادیر:

«سون واختلار آمریکا دا ارمنیستانا کؤمک ائدجیی ایله باغلی معین بیناتلارلا چیخیش ائدیر. حتی آمریکانین دؤولت کاتیبی مایک پومپئونون آمریکا ارمنی میللی کمیته‌سینه (آنجا) گؤندردیی مکتوبوندا ارمنیستانا اصلاحاتلار کئچیرمه‌سی اوچون ۱۴۰ میلیون دوللار حجمین‌ده مالییه یاردیمی ائتمه‌یه حاضر اولدوقلارینی بیلدیریب. لاوروو ایسه یئنی تعیین اولونموش خاریجی ایشلر ناظری زوقراب مناتساکانیانلا داغلیق قاراباغ موناقیشه‌سینین حلی، ارمنیستانین ک.ت.م.ت-دن چیخماماسی ایستیقامتینده معین آددیملار آتماغا تلسیر. بو گون غرب ده، روسییا دا چالیشیر کی، اؤز تأثیر واسطه‌سینی ارمنیستان‌دا ساخلاسین. پاشینیان غربه طرف یؤنلسه، روسییانی ایتیرر. بو باش وئرسه، روسییا ارمنیستانی باغیشلاماز. چونکی بو مسئله نی بیر واریانت کیمی روسییا گورجوستاندا تطبیق ائتدی. دیگر طرفدن، غرب ده چالیشاجاق کی، نه اولور اولسون، ارمنیستانی روسییانین تأثیر دایره‌سیندن چیخارسین. پاشینیان سرکیسیاندان فرقلی اولاراق، غربه دوغرو داها چوخ آددیملار آتیر. بو پروبلم اونا گتیریب چیخارا بیلر کی، عمومیتله، پاشینیان کئچید باش ناظر اولسون».