حاضردا ایستر عراقدا، ایسترسه ده سورییادا باش وئرن پروسسلر آمریکانین اوزونو بیر داها ناتو-داکی متفیقی تورکییه‌یه چئویرمه‌سینه مجبور ائدیب.

بو سؤزلرین آخار. آذ-ا آنالیتیک ووقار زیفروغلو تورکییه‌نین خاریجی ایشلر ناظری مؤولود چاووشوغلو و آمریکا دؤولت کاتیبی مایک پومپئونون ۴ ایوندا واشینگتن‌دا کئچیرجیی گؤروشه موناسیبت بیلدیررکن دئییب. او بیلدیریب کی، ایکی اؤلکه آراسیندا پ.ی.د - ی.پ.گ ترور قروپلاشماسینین منبیچ‌دن چیخاریلماسی ایله باغلی راضیلاشما الده اولونسا، بو، آمریکا-تورکییه موناسیبتلرینین مثبت معنادا دوزلمه‌سی اوچون چوخ بؤیوک آددیم حساب اولوناجاق:

«چونکی منبیچ کیفایت قدر جدی ایستراتژی اهمیته مالیکدیر. عمومیتله، تورکییه‌نین سون بیر ایل عرضینده سورییادا آپاردیغی حربی کامپانییادا منبیچ اهمیتلی بیر یئره صاحبدیر. بو معنادا آمریکا ایله الده اولوناجاق هر هانسی بیر راضیلاشما و بو راضیلاشمانین اساسیندا پ.ی.د - ی.پ.گ قوه‌لرینین همین اراضی‌دن چیخاریلماسی هم دیپلماتیک، هم ده حربی نقطه نظردن تورکییه اوچون اوغورلو نتیجه‌دیر».

آنالیتیک وورغولاییب کی، بئله بیر راضیلاشمانین آمریکا و تورکییه آراسیندا الده اولونما شانسی یوکسکدیر:

"تورکییه‌دن ایمتینا ائتمک اولمازدی. بونو آمریکا اؤز سیاسی آددیملاری ایله ده گؤسترمه‌یه مجبوردور. اونا گؤره کی، بؤلگه‌ده کیفایت قدر سورییادا مؤقعلری گوجلنمیش اسد اقتداری و بو اقتداری دستکله‌یه‌ن روسییا و ایران فاکتورو وار. بونا گؤره ده آمریکا معین معنادا سورییا جبهه‌سینده اؤز مؤقعلرینی قورویوب ساخلاماق نیتینده‌دیرسه، تورکییه ایله هر هانسی بیر شکیلده ایشبیرلیینه گئتمک مجبوریتینده‌دیر. بو ایش بیرلیینین ائله ایلک آددیمی منبیچله باغلی راضیلاشما اولا بیلر».

قید ائدک کی، تورکییه‌نین خاریجی ایشلر ناظری مؤولود چاووشوغلو و آمریکا دؤلت کاتیبی مایک پومپئونون ۴ ایوندا واشینگتن‌دا کئچیرجیی گؤروش زامانی راضیلیق الده اولوناجاغی حالدا پ.ی.د-ی.پ.گ ترور قروپلاشماسی منبیچ‌دن چیخاریلاجاق.