ارمنیستان پارلامنتین‌ده اساس اوستونلویه صاحب اولان رسپوبلیکاچیلار پارتییاسینین پارلامنت فراکسییاسینین رهبری واگرام باقداساریانلا ارمنیستان باش ناظری نیکول پاشینیانین گؤروشو باشا چاتیب.

آخار. آذ خبر وئریر کی، گؤروش «ارمنیستان ماریوت» هوتلینین کافه سینده باش توتوب و یاریم ساعت داوام ائدیب.

گؤروشدن سونرا ژورنالیستلره آچیقلاما وئرن پاشینیان نؤوبدن کنار سئچکی مسئله‌سینین بیر گؤروشله حل ائدیله بیلمیجیینی دئییب. او، حاضیرکی دؤورده رسپوبلیکاچیلار پارتییاسینین اؤزونو غیری-کونستروکتیو آپاردیغینی بیلدیریب:

«رسپوبلیکاچیلار پارتییاسی سئچکینین ۲۰۲۲-جی ایلده کئچیریلمه‌سینی ایستییر. بو یاناشما غیری-کونستروکتیودیر. نؤوبدن کنار سئچکینی خالق ایستییر».

او، پارلامنتین دیگر فراکسییالارینین رهبرلری ایله ده گؤروشجیینی سؤیله‌ییب:

«بیزیم گاگیک چاروکیان، آرمن روستمیان و یئلک بلوکونون نماینده‌لری ایله ده گؤروشلریمیز پلانلاشدیریلیب. لازیم اولاجاغی تقدیرده پارلامنتدن کنار قوه‌لرله ده دانیشیقلار آپاراجاغیق».