یاخین زامانلاردا چیچکلنن ارمنیستان پارتییاسینین لیدری قاگیک چاروکیان پارلامنتدن کناردا قالان سیاسی قوه‌لرله اینتئنسیو دانیشیقلارا باشلایاجاق.

آخار. آذ خبر وئریر کی، بو «ژاماناک» قزئتی معلومات یاییب.

بیلدیریلیر کی، چاروکیان بو قوه‌لری اونونلا بیرگه نؤوب دن کنار سئچکییه گئتمه‌یه راضی سالماغا چالیشاجاق:

«چاروکیانین اؤزونه موتتفیق کیمی باخدیغی قوه‌لر آراسیندا ارث پارتییاسی، ارمنی عموم میللی کونگرسی، آندریاس قوکاسیان، ساموئل بابایان، کئچمیش مدافعه ناظری سئیران اوهانیان و ارمنی میللی کونگرسی پارتییاسی اولاجاق. چاروکیان همچینین ساسنا تسرئر پارتییاسینین امکداشلیقلا باغلی تکلیفینی ده نظردن کئچیرمه یی پلانلاشدیریر. بئله کی، بو پارتییانین عضولرینین چوخو چاروکیان بلوکونون میللت وکیللرینین سایه‌سینده آزادلیغا بوراخیلیبلار».