ارمنیستانین کچمیش پرزیدنتی روبرت کؤچریان نؤوبدن کنار پارلامنت سئچکی‌سینه حاضیرلاشا بیلمه‌یه‌جک.

آخار. آذ خبر وئریر کی، بونو «ایسپوتنیک ارمنیستان»آ آچیاقلاماسیندا ارمنی پولیتکنولوق کارن کؤچریان دئییب.

«کؤچریان تجروبه‌لی سیاست‌چیدیر. پاشینیانین تلویزییادا چیخیشیندان و ۲ اوکتیابردا خالقی پارلامنتین قارشی‌سینا ییغدیقدان سونرا کؤچریان ۲ آی عرضین‌ده هئچ بیر قوه یارادا بیلمیجیینی آنلادی. کؤچریان اودوزماغی سئومیر، اونا گؤره ده سئچکی‌ده ایشتیراک ائتمه‌یه‌جک. گله‌جکده کؤچریان هانسیسا یئنی قوه و بلوک یارادا بیله‌جک»، – دئیه او بیلدیریب.

قید ائدک کی، کؤچریان بوندان اؤنجه نؤوبدن کنار پارلامنت سئچکی‌سینه قاتیلمایاجاغینی بیان ائدیب.