روس پراواسلاو کیلسه‌سینین مقدس سینودو کونستانتینوپول پاتریارخلیغی ایله علاقه‌لرینی کسیب.

آخار. آز خبر وئریر کی، بونو ژورنالیستلره آچیقلاماسین‌دا روس پراواسلاو کیلسه‌سینین نماینده‌سی وولوکولامسکی ایلاریون دئییب. اونون سؤزلرینه گؤره، کونستانتینوپول پاتریارخلیغی ایله موناسیبتلر یالنیز اوکراینا پراووسلاو کیل‌سه‌سینین موستقیللیینی تانیماق‌دان ایمتینا ائدجیی حال‌دا برپا ائدیله‌جک.

قید ائدک کی، بون‌دان اؤنجه کونستانتینوپول پاتریارخلیغی اوکراینا پراووسلاو کیلسه‌سینه آوتوکئفالییا وئریلمه‌سی پروسسینی باشلادیب. اوسته‌لیک، پاتریارخلیق موسکوانین اوکراینا پراواسلاو کیلسه‌سینه میتروپولیت تعیین ائتمک حاقینی دا الیندن آلیب. کونستانتینوپول پاتریارخلیغینین بو آددیمی موسکوانین سرت رئاکسییاسینا سبب اولوب. موسکوا پاتریارخلیغی کونستانتینوپولا جوابین چوخ سرت اولاجاغینی بیلدیریب.

بو، موسکوا ایله کونستانتینوپول آراسیندا ایلک بئله حال دئییل. ۱۹۹۶-جی ایلده طرفلر آراسیندا موناسیبتلر استون پراووسلاو کیلسه‌سی اوجباتیندان پوزولموشدو. بئله کی، آرخیپیسکوپ وارفولومئیین استون پراواسلاو کیلسه‌سینی اؤز یوریسدیکسییاسینا آلماق ایسته‌مه‌سی روس پراواسلاو کیلسه‌سینین اعتراضینا سبب اولموش و طرفلر آراسیندا علاقه‌لر کسیلمیشدی. لاکین وضعیت بو حالدا یالنیز بیر نئچه آی قالمیشدی.

اوکراینادا اوچ بؤیوک کیلسه وار. بونلار موسکوا پاتریارخلیغینین اوکراینا پراووسلاو کیلسه‌سی، کیئو پاتریارخلیغینین اوکراینا پراواسلاو کیلسه‌سی و اوکراینا آوتوکفال پراواسلاو کیلسه‌سیدیر. اگر اوکراینا پراواسلاو کیلسه‌سی موستقیل اولسا، او زامان روس پراواسلاو کیلسه‌سی اؤز گلیرلرینین اوچده بیریندن محروم اولاجاق. دیگر طرفدن، بعضی اکسپرتلر کیلسه‌یه موستقیللیک وئریلمه‌سینین اوکراینادا معین توققوشمالارا سبب یاراداجاغینی دا ادعا ائدیرلر. اونلارین فیکرینجه، بو، هم ده روس پراواسلاو کیلسه‌سینین شرقی آوروپاداکی پراواسلاولار آراسیندا مؤقعلرینین ایتیریلمه‌سینه شرایط یاراداجاق.