پورتوقالییانین کیچیک شهری اولان اوریکادا آوروپانین ان بؤیوک گونش الکتریک ایستانسییاسی ایشه سالینیب.

آخار .آذ خبر وئریر کی، ایستانسییا ۲۵ مین عائله‌نی الکتریک انرژیسی ایله تعمین ائده بیله‌جک. عادی ایستی‌لیک الکتریک ایستانسییالاری ایله موقاییسه‌ده گونش الکتریک ایستان‌سییاسی آتموسفره ایلده ۵۰ مین تون داها آز کاربون گازی بوراخیر.

یئنی الکتریک ایستانسییاسینین ایشه سالینماسی ایله پورتگالییا دئمک اولار کی، ۲۰۲۰-جی ایلدک برپاولونان انرژی منبع‌لری اوزره اؤز مقصدلرینه چاتیب. پورتقالییادا برپاولونان انرژینین پایی ۲۹ فایز تشکیل ائدیر، ۲۰۲۰-جی ایلدک بو، ۳۱ فایزه چاتمالیدیر.

«آوروستات» آوروپا ایستاتیستیکا ایداره‌سینین معلوماتینا گؤره، حاضردا آوروپا اتفاقین‌دا حاصیل اولونان بوتون انرژینین ۱۷ فایزی برپاولونان منبع‌لر، او جمله‌دن گونش شوالاری حسابینا ایستحصال اولونور. ۲۰۲۰-جی ایلدک بو پای ۲۰ فایزه قدر آرتمالی‌دیر.

قید ائدک کی، آرتیق آوروپا اتفاقینین ۱۱ اؤلکه‌سی ۲۰۲۰-جی ایل اوچون «یاشیل» انرگئتیکا اوزره میللی پلانی یئرینه یئتیریب.