ارمنیستانین کئچمیش باش ناظری کارن کاراپتیان یاخین زاماندا روسییانین «زاروبژنفت» دؤولت شیرکتینین دیرکتورلار شوراسینا داخیل ائدیله‌جک.

رپورت خبر وئریر کی، او، موستقیل دیرکتور یئرینی توتاجاق. حاضردا بو وظیفه‌نی مالییه‌چی رایر سیمونیان توتور.

قئید ائدک کی، ک .کاراپئتیان ۲۰۱۶-جی ایلین سنتیابریندا ارمنیستانین کئچمیش پرزیدنتی سرژ سارقسیان طرفیندن باش ناظر تعیین ائدیلیب. ۲۰۱۸-جی ایلین مای-آپرلینده نیکول پاشینیانین رهبرلیگی آلتیندا کئچیریلن اعتراض آکسییالاریندا سونرا حکومتده توتدوغو پوستدان ایستعفا وئریب. جایر ایلین ایونوندا ایسه رسپوبلیکاچیلار پارتییاسی اوزولویوندن چیخدیغینی بیلدیریب.

روسییا صنایعسینین ایری نفت شیرکتلری ایله موقاییسه‌ده «زاروبژنفت» ائله بؤیوک موسسیسه دئییل. اونون آکتیولری، اساساً، ویتناما قویولوب. دیرکتورلار شوراسینا عنعنوی اولاراق کئچمیش یوسک وظیفه‌لی دؤولت مأمورلاری داخیل‌دیر. شورانین ۶ عضوو وار. بو ایل روسییانین کئچمیش نقلیات ناظری ماکسیم سوکولوو دیرکتورلار شوراسینین عضوو اولوب.