بو گون تورکییه پرزیدنتی رجب طایییب اردوغان یئرلی واختلا ۱۶:۰۰-دا ایستانبولدا یئنی هاوا لیمانینین آچیلیشینی ائد‌جک.

آخار. آذ خبر وئریر کی، ۲۶ میلیارد آورو سرمایه ایله اینشا ائدیله‌ن بو هاوا لیمانی ۵۰۰ طیاره، ۷۰ مین آوتومبیل توتومو و ایلده ۲۰۰ میلیون سرنیشین داشیماق پوتنسیالینا گؤره دونیانین ان بؤیوک هاوا لیمانی اولاجاق.

یئنی هاوا لیمانی عمومیلیکده ۷۶،۵ میلیون کوادراتمتر اراضینی احاطه ائدیر. بورانین تیکینتیسینده ۳ مینه یاخین آغیر تکنیکا و تخمیناً ۱۰ مین ایشچی چالیشیب. هاوا لیمانینین ایلک فازاسی بو گون، دیگرلری ایله ۲۰۲۳-جو ایله قدر حیصه-حیصه فعالیته باشلایاجاق.

بوتون بونلارلا یاناشی، سؤزوگئدن «اثر»این اینشاسیندا تجروبه‌لی دیزاینرلر، متخصصلر و یئرلی-اجنبی اولماقلا ۲۵۰-دن چوخ معمار چالیشیب.

یئنی هاوا لیمانین‌دا تهلوکه‌سیزلیک ان یوکسک سوییه‌ده تعمین ائدیله‌جک. بئله کی، بورادا ایلک دفعه یئر رادارلاری سیستمی قوراشدیریلیب و حرکت آخینی ۲،۵ کیلومتر مسافه‌دن ایزله‌نه‌جک. هر ۶۰ متردن بیر ثابت کامرا، ۳۶۰ متردن بیر پتز کامرا، ۷۲۰ متردن بیر ایسه تئرمال کامرا قوراشدیریلیب.

بونونلا یاناشی، ترمینال و آوتوپارکلارا قوراشدیریلمیش ۹ مین عقل‌لی کامرایا ۸ یانلیش حرکتی معین ائتمه سیستئ‌می یئرلشدیریلیب. بو حرکتلردن بیرینی ائد‌ن شخص درحال معین ائدیله‌جک. هاوا لیمانین‌دا همچینین اوز تانیما سیستمی ده یارادیلاجاق.

یئنی هاوا لیمانینین آنا تئرمینال بیناسی ۱ میلیون ۳۰۰ مین کوادراتمتر ارازینی احاطه ائتمکله دونیانین ان بؤیوک ترمینال بیناسی اولاجاق.

هر کسی ماراقلاندیران باشقا بیر مسئله ایسه یئنی هاوا لیمانینین نئجه آدلانماسیدیر. معلوماتا گؤره، پرزیدنت اردوغان بو گون کئچیریله‌جک آچیلیش مراسیم‌ده هاوا لیمانینین آدینی آچیقلایاجاق.

ایلک مرحله‌ده آنکارا، آنتالیا و ایزمیر شهرلرینه اوچوشلار حیاتا کئچیریله‌جک. خاریجی اؤلکه‌لره ایلک اوچوشلار ایسه نویابرین ۱-ده شیمالی قبرس تورک جومهوریتینه، نویابرین ۸-ده ایسه آذربایجانا اولاجاق.

بو گون کئچیریله‌جک آچیلیش مراسیمینه دونیانین بیر چوخ اؤلکه لیدرینین قاتیلاجاغی گؤزلنیلیر.