قوندارما قاراباغ رژیمی آذربایجان‌لی گیروو النور المان اوغلو حسینزاده نی حبس‌دن آزاد ائدیب.

Axar.az خبر وئریر کی، بو معلوماتی «Lragir.am» سایتی یاییب. اونون فئورالین ۲-ده حبس‌دن آزاد ائدیلدیی وورغولانیب.

«ایسپوتنیک ارمنیستان»ا آچیقلاما وئرن قوندارما رژیم لیدرینین مطبوعات کاتیبی داوید بابایان حسینزادنین اوچونجو اؤلکه‌یه گؤندریلجیینی بیلدیریب. اونون آذربایجانا گئری قاییتماقدان ایمتینا ائتدیی وورغولانیب.

قید ائدک کی، ۲۰۱۷-جی ایلین فورال آیین‌دا جبهه‌نین تالیش ایستیقامتین‌ده ارمنیستان حربچیلری آذربایجان رسپوبلیکاسینین وطنداشی، ۱۹۹۵-جی ایل تولدلو حسین‌زاده النور المان اوغلونو گیروو گؤتوروب.

آذربایجان مدافعه ناظرلیگی ده درحال مسئله ایله باغلی بیانات یایاراق، ارمنیلرین الینه دوشن حسینزادنین متمادی اولاراق حربی اینتیظامی پوزماسی و خیدمته چیخماماسی سببیندن بیر مدت اول سلاحلی قوه‌لردن ترخیص اولوندوغونو، حاضردا حربی خیدمت‌ده اولمادیغینی بیلدیردی.

همین ایل فورال آیینین ۵-ده ایسه قوندارما رژیم محکمه‌سی النور حسین‌زاده باره‌سین‌ده ایکی آیلیق حبس-قطعی ایمکان تدبیری سئچیلمه‌سی ایله باغلی قرار قبول ائتدی.

***

اسیر و ایتکین دوشموش، گیروو گؤتورولموش وطنداشلارلا علاقدار دؤولت کمیسییاسی‌دان Axar.az-این سورغوسونا جواب اولاراق بیلدیریلیب کی، عایدیتی بین الخالق تشکیلاتلاردان داخیل اولموش معلوماتا اساساً، ۱ فورال ۲۰۱۷-جی ایل تاریخ‌ده ارمنیستان حربچیلری طرفین‌دن ایشغال ائدیلمیش داغلیق قاراباغ اراضی‌سین‌ده ساخلانیلمیش و سپارات‌چی رژیمین غیری-قانونی محکمه‌سی طرفین‌دن «آزادلیق‌دان محروم ائدیلمیش» آذربایجان رسپوبلیکاسینین وطنداشی، ۱۹۹۵-جی ایل تولدلو حسین‌زاده ائلنور المان اوغلو ۲ فورال ۲۰۱۹-جو ایل تاریخ‌ده ساخلانیلدیغی شوشا شهرین‌دن ارمنیستان رسپوبلیکاسینا آپاریلیب:

«ساخلانیلدیغی واخت‌دان اعتباراً حسینزادنین آزاد ائدیلمه‌سی ایله باغلی عایدیاتی بین الخالق تشکیلاتلار قارشی‌سیندا مسئله قالدیریلمیش و حاضردا بو ایستیقامت‌ده ضروری ایشلر آپاریلیر»، - دئیه معلومات‌دا قید اولونوب.