ارچیمان آذربایجانین شاماخی رایونونون کندلریندن بیریدیر.

Axar.az خبر وئریر کی، آرچیمان اویکونیمی مرکب سؤز اولماقلا ایکی حیصه‌دن عبارت‌دیر. بعضی تدقیقات‌چیلارا گؤره، توپونیم آرچان (آردیج بیتکی‌سی) و مان (اطراف) سؤزلرینین بیرلشمه‌سیندن یاراناراق یئرلی تلفظ نتیجه‌سین‌ده ایندیکی فورماسینی آلیب. کند اطرافی آرچان آغاجلاری ایله زنگین اولان داغین اتیین‌ده سالیندیغی اوچون بئله آدلاندیریلیب. توپونیمیک سؤزلوکلرده ارچیمان واریانتین‌دا اولان بو اویکونیم ۱۹۱۷-جی ایلده آرچیمان شکلین‌ده قئیده آلینیب. اویکونیم آرچی و مان سؤزلریندن دوزلیب. آرچیلر غربی داغیستان‌دا یاشایان و آوارلارا یاخین اولان ائتنیک قروپدور.

تورک دیللرین‌ده آرچی سؤزو "داغلی" سؤزونون سینونیمیدیر، مان کومپونئنتی ایسه "آدام"، "یئر، مکان"، "احاطه اولونموش" معنالارینی ایفاده ائدیر. آرچیمان اویکونیمی 'داغلیلار"، یاخود "داغلیلارین مسکونلاشدیغی یئر" کیمی باشا دوشولمه‌لی‌دیر. تورکمنیستان‌دا کؤپتداغین اتیین‌ده آرچیمان آدلانان کورورت شهرینین اولدوغو دا معلوم‌دور. دیگر بیر معلوماتا اساساً ارچیوان منطقه‌سی تالیش بؤلگه‌سینده تعقیبه معروض قالمیش و ارچیوان کندیندن کؤچه‌ن سنی اهالی اولموشدور.