دونیادا قانون‌سوز یوللارلا الده ائدیلمیش چیرکلی پوللارین یویولماسینا، مالییه فیریلداقچیلیغینا و تروریزمین مالیه لشدیریلمه‌سینه قارشی موباریزه آپاران «مالییه تدبیرلری اوزره ایشچی قروپو» (فاتف)، ایرانا مالییه قانونلارین‌دا اصلاحاتلار آپارماق اوچون وئردیی واختین مدتینی داها ۴ آی اوزادیب.

Axar.az خبر وئریر کی، «مالییه تدبیرلری اوزره ایشچی قروپو» (فاتف) فئورالین ۲۲-ده پاریس‌ده کئچیردیی ایجلاس‌دا بیلدیریب کی، بو قروپ ایرانا قارشی جزا تدبیرلرینین گؤرولمه‌سینی موقتی دایاندیراراق، رسمی تهرانا چیرکلی پوللارین یویولماسینا و تروریزمین مالییه باخیم‌دان تعمین ائدیلمه‌سینه قارشی موباریزه آپاریلماسی ایله باغلی قانونلار قبول ائتمک اوچون ایون آیینا قدر واخت وئریر.

بیلدیریلیر کی، ایران «فاتف»این قارا سیاهی‌سین‌دان چیخماق اوچون چیرکلی پوللارین یویولماسینا و متشکیل جینایتکارلیغا قارشی موباریزه آپاریلماسی ایله باغلی قانونلارین‌دا اصلاحاتلار آپارمالی، قارشی‌سینا قویولان بوتون طلبلری یئرینه یئتیرمه‌لیدیر.