بیلدییمیز کیمی ۲۴ آپرئل تاریخین‌ده آذربایجان میللی-فعاللار تهران‌دا کئچیریله‌ن قوندارما ارمنی سویقیریمینا اعتراض ائدیب و اعتراضچیلاردان ۱۳ نفر حبس اولونوب.

Axar.az خبر وئریر کی، ایران‌دا ارمنی باش کیلسه‌سینین اؤنون‌ده تهلوکه‌سیزلیک قوه‌لری طرفین‌دن حبس اولونان آذربایجان‌لی میللی-مده‌نی فعاللار علی نووین، رضا نظیری، آفشین نظیری، آیدین حاجیزاده، روح اللاه حیدری ، کریم نوربخش، ، بایرام محمودی، اصغر جؤهری، رضا آغایی، علی آغایی، علی ایبراهیمی، سهراب جلیل‌زاده ، ناصر مهدوی آدلی فعاللار دونن آخشام ساعتلارین‌دا آزادلیغا بوراخیلیب. لاکین ساخلانیلانلاردان علی پاکزادین عائله‌سی خبری تکزیب ائد‌رک اوغوللارین‌دان بیر خبر اولمادیغینی بیلدیریب. الده ائتدییمیز معلوماتا گؤره اطلاعات مأمورلاری حاکمه تضییق ائد‌رک ساخلانیلان فعاللارین داها اوزون مدت نظارت‌ده ساخلانماسینی ایسته‌ییب. لاکین حاکم یئترلی دلیللرین آزلیغینی سبب گتیره‌رک اونلارین سربست بوراخیلماسینا قرار وئریب.