روسییانین مدافعه ناظری، اوردو گنرالی سرگئی شویقو بارنس دنیزینده حربی دنیز دونانماسینا عایید سوالتی قاییقدا باش وئرمیش یانغینین بعضی تفرعاتلارینی آچیقلاییب.

آپا-نین خبرینه گؤره، حادثه‌نی آراشدیرماق اوچون سئورومورسک شهرینه گئدن روسییالی ناظر اورادا ایجلاس کئچیریب.

او، حرب‌چیلرین قهرمانلیق گؤستردیینی، ایلک نؤوبه‌ده سوآلتی قاییق‌دا اولان مولکی نومایندنی تخلییه اتدیکلرینی بیلدیریب: «اونلار یانغینین اوجاغینی سؤندوره‌رک اؤز یولداشلارینی و درین سوآلتی آپاراتی خلاص ائدیبلر».

روسییالی ناظر هلاک اولانلاردان ۷ نفرینین ۱-جی درجه‌لی کاپیتان، ۳ نفرینین ۲-جی درجه‌لی کاپیتان، ۲ نفرینین ایسه روسییا قهرمانی اولدوغونو وورغولاییب.

س.شویگو قید ائدیب کی، حیاتینی ایتیره‌ن ظابطلر دؤولت موکافاتلارینا تقدیم اولوناجاقلار.

قید ائدک کی، روسییا مدافعه ناظرلیگی ایولون ۱-ده بارنس دنیزینده حربی دنیز دونانماسینا عایید سوآلتی قاییق‌دا باش وئرمیش یانغین نتیجه‌سین‌ده ۱۴ نفرین هلاک اولدوغو حاقین‌دا معلومات یاییب.