تورکییه پرزیدنتی رجب طایییب اردوغان ایرانلا آمریکا آراسین‌دا یاشانان چاخناشمانین آزالدیلماسی اوچون تهرانلا واشینگتن آراسین‌دا واسطه‌چی‌لیک ائتمه‌یه حاضر اولدوغونو بیلدیریب». آخار. آذ خبر وئریر کی، بو باره‌ده تورکییه‌نین دؤولت تلویزییاسی (ترت) و «صاباح» قزئتی ایولون ۴-ده پرزیدنت اردوغانا ایستینادا معلومات یاییب.

تهرانلا واشینگن آراسین‌دا واسطه‌چی‌لیکله باغلی معلوماتین یاییلماسی، پرزیدنت اردوغانین اوساکا ساممیتین‌دن سونرا چینه سفری ایله عینی واختا دوشوب.

تورکییه دؤولت تلویزییاسینین یایدیغی معلومات‌دا بیلدیریلیب کی، ایرانلا آمریکا آراسیندا واسطه‌چی‌لیک رولونو اویناماق تکلیفینی، اؤتن هفته اردوغان «گ۲۰» قروپونا عضو اؤلکه باش‌چیلارینین سامیتینه قاتیلماق اوچون یاپونییانین اوساکا شهرینه سفرین‌ده بو اؤلکه‌نین باش ناظری شینزو آبه ایر‌لی سوروب. اردوغان ایسه همین تکلیفی مثبت قارشیلاییب.

معلوماتا اساساً تورکییه پرئزیدئنتی دئییب: «یاپونییانین باش ناظری شینزو آبه من‌دن سوروشدو کی، بو خصوصدا (واسطه‌چی‌لیک) بیرگه ایش گؤره بیلریک‌می. من ایسه دئدیم، البته کی، بیر ایش گؤره بیلریک. من اونلارین هر ایکی‌سی ایله، یعنی ایران لیدری علی خامنه ای و پرزیدنت حسن روحانی ایله دانیشا بیلره‌م» –دئیه اردوغان وورغولاییب.

اردوغان همچینین بیلدیریب کی، او، یاپونییانین باش ناظری شینزو آبئ ایله بو باره‌ده نؤوبتی آددیملارین آتیلماسی باره‌ده موذاکیره آپارماق اودچون راضیلیغا دا گلیبلر.

رسمی توکیو، تورکییه دؤولت تلویزییاسینین (ترت) و «صاباح» قزئتینین پرزیدنت اردوغانا ایستینادا یایدیغی معلوماتی نه رد، نه ده تصدیق ائدیب.