شکی شهرینین تاریخی مرکزی (خان سارایی دا داخیل اولماقلا) یونسکو دونیا ارث مرکزینین دونیا ارثی سیاهی‌سینا داخیل ائدیلیب.

کولت. آذ خبر وئریر کی، بونونلا باغلی قرار یونئسکو دونیا ارث کمیته‌سینین باکی‌دا کئچیریله‌ن ۴۳-جو سییاسی زامانی وئریلیب.

موذاکیره‌لر اولدوقجا گرگین کئچیب. تاریخی یئرلرین و عابده‌لرین محافظه‌سی اوزره بین الخالق شورانین (ایکوموس) نماینده‌سی چیخیش ائد‌رک بو ارثین دونیا ارث سیاهی‌سینا داخیل ائدیلمه‌مسینین مقصده اویغون اولمادیغینی بیلدیرب. بیر سیرا اؤلکه‌لر – کویت، چین، تونس، گواتمالا، کوبا، ایندونزییا، کوبا، قیرغیزیستان، بورکینا فاسو سیاهییا داخیل ائدیلمه‌مه‌سینین ترفداری کیمی چیخش ائدیب. قئید ائدک کی، دونیا ارث سیاهی‌سینا بوتون دونیا اوزره ۱۶۷ دؤولته مخصوص جمعی ۱۱۱۳ طبیعی و مدنی ارث نمونه‌سی داخیل‌دیر. ایندیه دک دونیا ارث سیاهی‌سینا آذربایجان‌دان جمعی ۲ ارث نمونه‌سی داخیل ایدی. بونلار ۲۰۰۰-جی ایلده سیاهییا داخیل ائدیلمیش ایچریشهر (شیروانشاهلار سارای کومپلئک‌سی و قیز قالاسی ایله بیرگه) و ۲۰۰۷-جی ایلده سیاهییا داخیل ائدیلمیش قوبوستان قایا اوستو تصویرلریدیر.