خالقین بیر یئرده و بیر ووجوددا اولدوغونو گؤرمکدن چوخ ممنونام.

آذنیوز. تی وی معلومات وئریر کی، بو فیکری ایران پرزیدنتی حسن روحانی شیمالی خراسان ایالتینه سفرین‌دن سونرا خالقین آمریکانین سانکسییالاری و محاربه تهدیدلری قارشی‌سیندا متین دایاندیغینی ایفاده ائدرکه سسلندیریب.

ایرانین آمریکا ایمضالادیغی نووه موقاویله‌سینی اؤلکه تاریخین‌ده ان بؤیوک نایلیت کیمی دیرله‌ن‌دیره‌ن روحانی تهران رهبرلیینین آلتی اساس دؤولت قارشی‌سین‌دا دایاندیغینی و ایکی ایللیک دانیشیقلاردان سونرا نووه راضیلاشماسینی تصدیق ائتدیینی سؤیله‌ییب.

ایرانین ۱۲ ایلدیر نووه سلاحی یاراتدیغی اتهام ائدیلدیینی خاتیرلادان پرزیدنت دقته چاتدیریب کی، بین الخالق اتم و انرژی تشکیلاتی طرفین‌دن بو ادعا تصدیق ائتمه‌ییب.

روحانی آمریکانین ایرانا قارشی تطبیق ائتدیی سانکسییالارا توخونارکن قید ائدیب کی، آمریکانی ایسرایل و بیر نئچه کیچیک دؤولتلردن ساوایی هئچ کیم دستکلمیر. او، بو مسئله‌ده رسمی تهرانین دا صبرینین بیر حدی اولدوغونو خصوصی اولاراق وورغولاییب: «بعضا دوشمنلریمیزله دوغرو یول تاپماق اوچون یومشاق دیلله دانیشیریق. نه قدر یوموشاق دیلله دانیشساق دا بونون بیر حدی وار، بیر گون صبیر کاساسی داشاجاق».