نیویورکون مانهئتتان رایونونون فدرال پروکورورلوغو اوچ ایرانلینی قانون‌سیز شکیل‌ده ایرانا «بیر نئچه تون» کاربون فایبری ایخراج ائتمک‌ده تقصیرلندیریب.

آذنیوز. تی وی-نین وئردیی معلوماتینا گؤره، کاربون فیبئری اوران ایستحصالی اوچون باللیستیک راکتلر و سانتریفوژالار صنایع‌سین‌ده ایستیفاده ائدیلیر.

نی-یورکون جنوب بؤلگه‌سینین فدرال پروکورورو جفری سئر برمن چرشنبه آخشامی ایران وطنداشی بهزاد پورقنادین آلمانییادان آمریکایا تحویل وئریلمه‌سین‌دن سونرا بو اتهاملاری سسلندیریب. بهزاد پورقناد بو ایش اوزره تقصیرله‌ن‌دیریله‌ن اوچ شخصدن بیری‌دیر.

معلوماتا گؤره، ایش اوزره ایکی شوبهه‌لی شخص، یعنی علیرضا شوکرو و فرضین فریدمانش ایسه حاضردا فراری‌دیر.

نیویورکون مانهاتتان رایونونون فدرال پروکورورلوغونون بیلدیردیینه گؤره، سؤزوگئ‌دن اوچ نفر ۲۰۰۸-۲۰۱۳-جو ایللرده بیر آمریکالی واسطه‌چی و دللال واسطه‌سیله ایرانا «بیر نئچه تون» کاربون لیفلی ماتئریال ایخراج ائدیردیلر. اونلار بو مادده‌لرین ماهیتینی ایخراج سندلرین‌ده «یالان» بیان ائتمکله، آکریل اولدوغونو قید ائتمیش‌دیلر.

اتهامنامه‌ده شوبهه‌لیلرین ایرانا هانسی حجم‌ده کاربون لیفی ایخراج ائتدیی معین ائدیلمه‌ییب، لاکین وورغولانیر کی، علیرضا شوکرو ۲۰۰۷-جی ایلین سونو و ۲۰۰۸-جی ایلین اولین‌ده تورکییه‌ده بیر شیرکت واسطه‌سیله آمریکادا کاربون لیفینی آلاراق بیرلشمیش عرب امیرلیکلری واسطه‌سیله ایرانا نقل ائتمه‌یه نایل اولوبلار.

فدرال محکمه‌سینین سندینه گؤره، بهزاد پورقناد ۲۰۱۷-جی ایلین مای آیینین ۳-ده آلمانییادا حبس اولونوب و بازار ائرته‌سی نیویورکا آپاریلیب. او چرشنبه آخشامی گونو حاکم جودیت مک کارتینین صدرلیگی ایله کئچیریله‌ن محکمه ایجلاسینا چیخاریلیب.